Të punësuarit në transportin publik mund të mbesin pa rroga, paralajmëroi drejtori i NQP “Shkup”
Drejtori i Ndërmarrjes për Qarkullim Publik “Shkup”, Kërste Petrevski, ka paralajmëruar që punonjësit e kësaj ndërmarrje do të mund të mbesin pa rroga për shkak Qeverisë së Maqedonisë së Veriut dhe këshilltarëve të VMRO-DPMNE-së në Qytetin e Shkupit, transmeton Portalb.mk.
“Dy vjet me radhë, këshilltarët e VMRO-DPMNE-së në Këshillin e Qytetit të Shkupit, e kanë bllokuar vendimin për blerjen e autobusëve të rinj për NQP”, deklaroi drejtori.
Ai theksoi që interesat partiake për këta njerëz janë më të rëndësishëm sesa interesat e votuesve të tyre, duke rrezikuar rrogat e të punësuarve me qëllim krijimin e krizës në transportin publik.
“Tre vjet me radhë, Qeveria e Maqedonisë së Veriut nuk i ka paguar mjetet për transportin falas për studentët. Qeveria në këtë moment, Ndërmarrjes i ka borxh 360 milionë denarë për shërbimin që del nga vendimi i Qeverisë së njëjtë, ndërsa Ndërmarrje komplet e ka realizuar”, deklaroi drejtori.
Kujtojmë që në tetor të vitit të kaluar, punëtorët e NQP-së protestuan për shkak të rrogave të papaguara. Për herë të parë në historinë e tij që kur ka transport publik, kryeqyteti mbeti pa transport publik. Një ditë më vonë autobusët e NQP-së janë u rkithyen në rrugë pasi Qyteti i Shkupit siguroi rrogat, konkretisht rreth 2 milionë euro u ridestinuan nga projektet tjera nga buxheti i Qytetit të Shkupit për pagat në NQP “Shkup”. Ndërkaq, kryetarja e Danella Arsovska pati kërkuar të shlyhen borxhet e të gjitha institucioneve që i kanë borxh ndërmarrjes.
Protesta e paralajmëruar nga të punësuarit e Ndërmarrjes Qarkulluese (Transportuese) Publike në Shkup u anuluan pasi ata e morën rrogën për muajin korrik.
- LEXO: Anulohet protesta e NQP-së, punëtorët e morën rrogën e korrikut
- LEXO: Këshilli i Qytetit të Shkupit e votoi vendimin për subvencione për NQP Arsovska kërkon që të gjitha borxhet ndaj kompanisë të shlyhen
- LEXO: Autobusët rifilluan qarkullimin, Qyteti i Shkupit ridestinoi 2 milionë euro për pagat e NTP-së
- LEXO: Këshilli i Qytetit të Shkupit vendosi në lidhje me kërkesën e punëtorëve të transportit publik në Shkup
- LEXO: Sot nuk ka autobusë, Shkupi për herë të parë në histori pa transport publik në mandatin e Arsovskës