Shkëndija i afrohet vendit të parë, të enjten do të luhet derbi

Në stadiumin e qytetit të Tetovës sot u luajt ndeshja ndeshjet Shkëndijës dhe Pelisterit. Në këtë ndeshje u shënuan tre gola për rezultatin përfundimtar 2:1, raporton Portalb.mk.

Kapiteni i ekipit, Besart Ibraimi shënoi dy gola, një në pjesën e parë, tjetrën në të dytën.

Me këtë fitore, Shkëndija e Tetovës i afrohet katër pikë vendit të parë, Vardarit, ekip me të cilin do të përballet këtë të enjten në Shkup. Ndeshja do të fillojë në ora 14:00.

Po atë ditë, në kuadër të ndeshjeve të javës së XXI-të, do të luhet edhe ndeshja ndërmjet Pelisterit dhe Sileksit.

Java e XXI-të do të hapet nesër prej orës 14:00 në Kumanovë, ku ekipi i Shkupit do të përballet me Bashkimin. Në kohë të njëjtë do të luhet edhe ndeshja ndërmjet AP Brerës dhe Strugës.

Të mërkurën do të kemi dy ndeshje tjera, Arsimi do të përballet me Tikveshin në Gostivar, ndërsa Makedonija Gj.P. do të pret Rabotniçkin.

Ndryshe, Vardari gjendet në pozitën e parë me 52 pikë, e ndjekur nga Shkëndija me 48 pikë, ndërsa Struga gjendet e treta me 43 pikë. Arsimi është në pozitën e pestë me 26 pikë, po aq sa ka edhe Bashkimi në pozitën e shtatë. Shkupi gjendet në fund të tabelës me një pik.

Kampion i Ligës së Parë në sezonin 2024/25 u shpall Shkëndija e Tetovës, ndërsa Vardari fitues i Kupës. Në sezonin 2025/26 në Ligën e Parë luajnë Shkëndija, Struga, Shkupi, Bashkimi dhe Arsimi që u kualifikua nga Liga e Dytë për herë të parë.