Serbia inaguroi kilometrat e para të “Autostradës së Paqes”, Nish-Durrës
Presidenti i Serbisë, Aleksandër Vuçiç, inauguroi kilometrat e para të Autostradës së Paqes që pritet të kalojë nga Nishi për në Merdarë, Prishtinë, Tiranë dhe Durrës, raporton EN. “Jam krenar që kjo autostradë do të na lidhë me shqiptarët”, u shpreh ai duke theksuar se tregtia mes Serbisë dhe Shqipërisë është rritur me 35 për qind në vitet e fundit.
Vuçiç shtoi se ky aks rrugor, të cilin e konsideroi si shtylla kurrizore e Ballkanit Perëndimor, do të jetë një ndër autostradat më të ngarkuara në 20 vitet e ardhshme. Në të njëjtin mendim ishte edhe ambasadori i Bashkimit Europian në Beograd,
“Kjo rrugë do të lidhë jugun e Serbisë me rrjetin e Ballkanit Perëndimor dhe do të mundësojë qarkullimin e lirë të njerëzve, mallrave dhe kapitalit, nga Nishi përmes Prishtinës në Tiranë dhe më gjerë”, theksoi ai.
Siç theksoi ai, rruga duhet të jetë “rrugë e paqes, stabilitetit dhe pajtimit dhe për këtë ka marrë emrin Autostrada e Paqes”.
“Seksioni prej 5,5 kilometrash që hapëm sot është segmenti i parë i një projekti shumë më të madh që do të lidhë Nishin dhe qytetet e tjera në këtë pjesë të Serbisë me detin Adriatik përmes Durrësit”,
Vlera e gjithë projektit pritet të jetë rreth 650 milionë euro. Kostoja e seksionit Nish-Ploçnik prej 33 kilometrash, e vlerësuar në 255 milionë euro, financohet me një grant nga Bashkimi Evropian (BE) me vlerë mbi 40 milionë euro.
Kontrata për këtë pjesë të parë të autostradës u nënshkrua në shtator 2021 gjatë vizitës së Presidentes së Komisionit Evropian Ursula von der Leyen.
Mbi 180 milionë euro janë siguruar me kredi të favorshme nga Banka Evropiane e Investimeve dhe Banka Evropiane për Rindërtim dhe Zhvillim, ndërsa pjesa tjetër do të jetë nga buxheti i qeverisë serbe.
“Autostrada e Paqes” është një nga projektet kryesore në kuadër të Planit Ekonomik dhe Investimeve të BE-së për Ballkanin Perëndimor.
“Autostrada e Paqes” ishte edhe pjesë e marrëveshjes mes Serbisë dhe Kosovës nënshkruar në Shtëpinë e Bardhë në 2020 dhe për ndërtimin e së cilës krahas BE do te ndihmoni dhe SHBA. Pjesa qe lidh pikën kufitare mes Kosovës dhe Serbisë, Merdare deri në Prishtinë me gjatësi 27 km Sipas Qeverisë së Kosovës, ka një kosto prej rreth 240 milionë euro
“Lajm i madh! Me inaugurimin e pjesës së parë të seksionit Nish-Merdare të Autostradës së Paqes, ne lidhim njerëzit dhe biznesin në jug të Serbisë. Ky është një projekt kryesor i Planit Ekonomik dhe Investimeve prej 30 miliardë eurosh për Ballkanin Perëndimor. BE po investon dhe më shumë do të investojë” shkroi në një postim në Twitter Komisioneri Varhely.