Salla Universale ende është nën Qytetin e Shkupit, nuk kemi marrëveshje për pranim – dorëzim, sqaroi ministrja
Ministrja e Kulturës Bisera Konstadinovska Stojçevska në brifingun e sotëm me gazetarë ka informuar se Salla Universale ende është nën Qytetin e Shkupit, sepse ende nuk kanë nënshkruar marrëveshje për pranim- dorëzimin as të kompetencave për rikonstruimin e projektit as edhe të dokumentacionit. Ashtu siç tha, e njëjta rrezikohet të bjerë pasi është e hapur prej kohësh, raporton MIA.
Siç ka paralajmëruar, nesër përfaqësues të Ministrisë së Kulturës do të kenë takim me përfaqësuesit e qytetit dhe shpreson në një lloj ndryshimi.
“Ministria e Kulturës deri më sot nuk ka marrë asnjë marrëveshje për nënshkrimin që ingerencat për rikonstruimin të kalojnë te ne. Ekziston vetëm një vendim i Këshillit i cili është votuar nga këshilltarët dhe kaq. Prej atëherë, ne jemi përpjekur të komunikojmë me shërbimet e Qytetit të Shkupit, por nuk kemi pasur asnjë përgjigje. Dy ditë më parë, Departamenti juridik pranë Ministrisë së Kulturës hartoi një marrëveshje për pranim dorëzim ingerencash për rikonstruksionin e Sallës universale dhe ia dërgoi qytetit. Dhe sot morëm përgjigje se nesër do të kemi takim me departamentin e tyre dhe shpresoj se do të ketë lëvizje”, tha Kostadinovska Stojçevska.
Ajo theksoi se nuk mund të bëjë asnjë plan veprimi derisa të ketë një mbikëqyrje të duhur në Sallën universale. Siç ka theksuar, në qershor ka marrë një njoftim nga IITSI se Salla Universale tashmë rrezikon të bjerë.
“Në qershor të këtij viti kam marrë dy njoftime nga IITSI se Salla Universale tashmë është në rrezik dhe mund të bjerë. Ajo ka qenë gjatë kohë e hapur, vjen koha e dimrit, shirave, erërave dhe borës dhe duhet mbyllur. Prandaj kam bërë apel disa herë dhe në konferencën e fundit për media, kryetarja Arsovska tha se shërbimet janë duke e përgatitur procesin. Por, Salla Universale është ende nën Qytetin e Shkupit. Është institucion i decentralizuar i Qytetit”, tha në brifingun për media Kostadinovska Stojçevska.
Salla universale ka 7 vite që nuk punon. Ka filluar të rinovohet në shtator të vitit 2021 në mandatin e ish-kryetarit Petre Shilegov me paratë e siguruara nga Qeveria. Por, pas marrjes së detyrës nga Danela Arsovska, punimet ndërtimore u ndërprenë. Denalla akuzoi kryesinë e kaluar të qytetit se është fajtore që nuk po ndërtohet salla e koncerteve sepse kanë bërë një projekt të pasigurt. Për këtë temë, Arsovska akuzoi Asociacionin e Arkitektëve të Maqedonisë (AAM), planifikuesit dhe ministren e Kulturës Bisera Kostadinovska-Stojçevska, në konferencën për shtyp të thirrur shkurtin e kaluar nga Ministria e Kulturës në përpjekje për të gjetur zgjidhje dhe marrëveshje të përbashkët.
- LEXO: Pas një viti tensionesh, qeveria përfundimisht ia mori Sallën Universale Qytetit të Shkupit
- LEXO: Salla Universale do të ndërtohet nga Ministria e Kulturës, pastaj i kthehet Qytetit të Shkupit
- LEXO: Arsovska: Salla Universale po ndërtohet dhe do të korrigjohen të gjithë gabimet
- LEXO: Arsovska: Për momentin nuk ka para për tu rinovuar hapësirat e brendshme të Sallës Universale