Pse nuk po çlirohet arti dhe artisti nga politika?

E thjesht. Sepse udhëheqësin e institucioneve nuk e zgjedhin artistët me vullnet të lirë, por ua sjellë politika.

Artistët nuk e di arsyen pse, po shpesh ankohen privatisht në tavolina se si u kërkohen pazare e dallavere në ndarjen e buxheteve të Ministrisë së Kulturës dhe kur vjen puna ca gjëra t’i artikulojnë ku duhet, kanë frikë hakmarrjen se do të sabotohen duke u mos u ndarë mjete buxhetore, sikur ato mjete të ishin para nga xhepi personal i atyre zyrtarëve.

Skema e korrupsionit në institucionet e kulturës ka funksionuar për vite me radhë dhe këto skema zakonisht ngriten nga individë të caktuar të aftë për të përfituar shumë duke ju dhënë pak të tjerëve.10 për mua e një për ty.

Kështu kur njerëz të pakulturuar emëron të menaxhojnë me kulturën. Dhe kur nis i thua ca të vërteta të thonë kujdes se kështu përfitojnë pala tjetër. Pala tjetër përfitojnë në momentin që ti “pazarxhive” u jep të drejtën të të turpërojnë me përfaqësim joadekuat.

Te ne s’ ka probleme, ka veç politikë matanë çdo problemi. Hesht se kënaqëm armikun, e këndej kënaqi “miqtë”!

Nderi i artistit do të vihen në vend kur secili të fillojë të shoh si artist e jo si dikush që vjen nga getoja.

Shoqatat kulturore, shtëpitë botuese, institucionet kulturore, galeri, teatro, shtëpi kulture, koloni dhe individë që kanë konkurruar me projekte le që nuk flasin për trashjen e problemit, por e luajnë vallen e tyre duke bërë juritë dhe komisionet bashkë me palët nevojtare t’i shërbejnë skemës së korrupsionit dhe ndarjes së mjeteve me strategjinë e njohur “me lista” kush kalon, për kënd sa, për mua sa?!

Epo kështu nuk shkon. Edhe “art” edhe “dallavere” nuk bën.

Janë disa mënyra si vritet arti dhe artisti:

1. Artistit i kërkon të përfshihet në mitmarrje dhe korrupsion.
2. I jep projekt veç as tij që është “me ne” në sajë të marrëveshjes sipër.
3. Nuk je “me ne” nuk kalon.

Nuk janë në rregull favorizimet partiake, “i joni është”.

Ai elektorat që është i shumtë dhe nuk hyjnë te militantët dhe fansat e zjarrtë që mbajnë partinë dhe kryetarin në “fb”, ai i kujt është?! Kulturën e kujt përfaqëson?

Kulaçi a veç në sofrën e ngushtë ndahet, e trohet për të tjerët.

Atëherë vae soli! Kemi mbaruar si shoqëri dhe mjerë arti e artistët që ndërron ngjyrat sa herë ndërron partia.