Gjykata Kushtetuese tha se pretendimet e ministrit të drejtësisë janë të pasakta, Lloga iu përgjigj se nuk e kupton nervozizmin e gjyqtarëve

By N. D. On 14/07/2023 09:59

Dobrilla Kacarska, foto nga Gjykata Kushtetuese në Facebook-un zyrtar

Pretendimet e ministrit të Drejtësisë, Krenar Lloga, se Gjykatës Kushtetuese i është kërkuar mendim në çfarëdo forme për procedimin e mëtejshëm me nxjerrjen e certifikatave, pasi një shkresë e tillë nuk ka mbërritur as nga Drejtoria për mbajtjen e librave amë (DMLA) dhe as nga Ministria e Drejtësisë, informojnë nga Gjykata Kushtetuese, transmeton Portalb.mk.

Nga Gjykata Kushtetuese reagojnë për siç thonë ata “pretendime të rreme dhe të pasakta” të Ministrit të Drejtësisë Krenar Loga në televizionin Sitel, i cili “gabimisht informon opinionin për të ashtuquajturat Udhëzim për menaxhimin e librave amë”.

“Sipas qëndrimit kushtetues që Gjykatës Kushtetuese i siguron të distancohet nga çdo autoritet politik, Gjykata thekson se është e palejueshme që një anëtar i Qeverisë si bartës i pushtetit ekzekutiv të mashtrojë publikisht qytetarët duke paraqitur konstatime arbitrare dhe të pavërteta në lidhje me funksionimin e Gjykatës Kushtetuese. Në interes të ruajtjes së dinjitetit dhe reputacionit të Gjykatës si i vetmi institucion me kompetenca të tilla, ju njoftojmë se Gjykata Kushtetuese komunikon nëpërmjet akteve të saj, por në asnjë rast nuk është pjesë e procedurës formale që Gjykata të konsultohet me ndonjë pjesëmarrës në procedurë dhe këshillë pasi do të merret një vendim”, thuhet në reagim.

“Gjykata Kushtetuese nuk ka kompetencë të thotë se cilët janë hapat e ardhshëm pas marrjes së vendimeve, sepse vendimmarrësit e akteve kanë detyrimin të zgjidhin problemet”, thuhet në reagimin e Gjykatës Kushtetuese.

Për reagimin e Gjykatës Kushtetuese është dërguar një përgjigje nga Ministria e Drejtësisë, ku thuhet se ministri Lloga nuk e kupton dot nervozizmin dhe fjalorin e përdorur në reagimin e Gjykatës Kushtetuese.

“Ministri Lloga në pyetjen e gazetarit tha se Drejtoria për mbajtjen e librave amë (DMLA) ka kërkuar mendim nga Gjykata Kushtetuese dhe institucionet tjera, si dhe nga ekspertët. Siç i është komunikuar ministrit, komunikimi me Gjykatën Kushtetuese është kryer në mënyrë joformale (për faktin se deri dje akti i Gjykatës Kushtetuese nuk ishte publikuar në “Gayetën Zyrtare”) dhe pikërisht për këtë, është mirë që Gjykata Kushtetuese të mos ngutet me kualifikime, por të pyesë kolegët”, thuhet në reagimin e Ministrisë së Drejtësisë.

Në anën tjetër, shtojnë ata, për respektimin e ligjit dhe Kushtetutës, drejtori i DMLA-së ka kërkuar mendim me shkrim nga Ministria e Drejtësisë dhe Sekretariati për legjislacion.

“Ne besojmë thellë se nismat tona 10+10 nuk janë arsyeja e nervozizmit të shprehur ndaj nesh. I urojmë Gjykatës Kushtetuese suksese në punën e mëtutjeshme”, shtojnë nga Ministria e Drejtësisë.

Ministria e Drejtësisë tha dje se për të garantuar kushtetutshmërinë dhe ligjshmërinë e rregulloreve në vend dhe se afatet kushtetuese për botimin në “Gazetën zyrtare” vlejnë për të gjithë, Ministri i Drejtësisë Krenar Lloga paraqiti në Gjykatën Kushtetuese nismat për vlerësimin e kushtetutshmërisë dhe ligjshmërisë së rregulloreve të miratuara nga institucionet që nuk kanë respektuar afatin e botimit në “Gazetën Zyrtare”.

Lloga, ka paraqitur 10 nisma në emër të Ministrisë së Drejtësisë dhe 10 në emrin e tij personal si qytetar. Në njoftimin e djeshëm nga Ministria e Drejtësisë thanë se në lëvizje janë gjyqtarët e nderuar të Gjykatës Kushtetuese, nga të cilët, siç theksojnë, presim që të vendosin për iniciativat me të njëjtin efikasitet, shpejtësi dhe përshtatshmëri si në Udhëzimin për librat amzë në seancën e fundit të hapur.

Në iniciativat e Ministrisë së Drejtësisë, thuhet se në periudhën e kaluar është bërë publikimi i disa rregulloreve për të cilat ka obligim kushtetues të publikohen në “Gazetën zyrtare të Republikës së Maqedonisë së Veriut” dhe të cilat janë publikuar në shkelje e nenit 52, pra nuk është respektuar afati kushtetues prej shtatë ditësh për botimin e rregullores. Lloga kërkon gjithashtu që gjykata të shqyrtojë sipas detyrës zyrtare kushtetutshmërinë e rregulloreve për të cilat nuk është respektuar afati kushtetues prej shtatë ditësh për publikimin e tyre.

Gjykata Kushtetuese sipas detyrës zyrtare në seancën e datës 5 korrik mori vendim që nxori jashtë përdorimit përkohësisht udhëzimin e ministrit të Drejtësisë Krenar Lloga, i cili lëshonte certifikatën e lindjes me grafën për përkatësinë etnike. Arsyeja kryesore për fillimin e procedurës është tejkalimi i afatit për nënshkrim – nga nënshkrimi deri në publikim në “Gazetën Zyrtare”. Ministri i Drejtësisë e ka firmosur udhëzimin më 29 maj dhe është botuar në “Gazetën Zyrtare” më 15 qershor.

Gjyqtarët kushtetues shprehën dyshime për kushtetutshmërinë e këtij udhëzimi dhe nisën një iniciativë për të kontrolluar ligjshmërinë e tij. Derisa të vendosin për udhëzimin e ministrit do të vlejë masa e përkohshme, përkatësisht grafa për përkatësinë etnike nuk do të vendoset në certifikata.