Fabrika izraelite e armëve Elbit Systems u vu në flakë në Çeki, përgjegjësinë e mori grupi ekstremist Earthquake Faction (VIDEO)

Një strukturë e lidhur me prodhuesin izraelit të armëve Elbit Systems u vu në flakë në Republikën Çeke, ndërsa grupi ekstremist Earthquake Faction mori përgjegjësinë, tha policia çeke të nesërmen, raporton Racin, raporton Portalb.mk.

Sulmi shkatërroi disa ndërtesa në një strukturë të drejtuar bashkërisht nga një kompani çeke dhe Elbit Systems, një kompani që furnizon me armë tokësore dhe ajrore ushtrinë izraelite, tha policia çeke në platformën X.

Një grup që e quan veten Earthquake Faction postoi në Telegram se kishte sulmuar një strukturë që pretendonte se ishte “struktura qendrore për operacionet evropiane të prodhuesit më të madh të armëve në Izrael” dhe se tani ishte “në flakë”.

“Ne jemi në barkun e bishës, të rrethuar nga era e keqe”, tha grupi, duke shtuar se nuk do të priste që qeveritë ndërkombëtare bashkëpunuese të vepronin dhe do të merrte “masat e nevojshme për t’i privuar ata nga mjetet për të vrarë”.

Policia çeke tha se një hetim ishte duke vazhduar.