Elita 5 elektrizoi publikun në Gjermani

Grupi tetovar i rokut “Elita 5” ka vazhduar me koncertet e tyre, së fundmi ata performuan në dy koncerte para diasporës në Dyseldorf dhe Frankfurt të Gjermanisë, raporton Portalb.mk.

Si gjithnjë, me hitet e tyre ata u mirëpritën nga publiku i diasporës, ndërsa që interesimi ishte i lartë e tregon numri i biletave të shitura.

Të rinj dhe të moshuar, të gjithë të bashkuar nga muzika e rok grupit u përfshinë në koncert duke kënduar dhe brohoritur me grupin, këngët e tyre si “Al Kapone”, “Më Fal”, “Sajzeza” dhe shumë të tjera.

Ata performuan edhe këngën e tyre më të re “Natën e Mirë”.

Për organizimin e këtij kocerti u përkujdes Albanian Sundowner.

Grupi tetovar Elita 5 janë tejet aktiv me performacat e tyre në mbarë trojet shqiptare.

Në fund të muajit maj të këtij viti ata patën edhe koncertin e tyre madhështor në Qendrën për Kulturë të Tetovës.