BE-ja nën presion kohor për ta miratuar formalisht planin për rritje në Ballkan
Parlamenti Evropian (PE) dhe Këshilli i Bashkimit Evropian ende nuk kanë arritur pajtim të plotë për tekstin e vendimit për planin e BE-së për rritje ekonomike në Ballkanin Perëndimor, raporton REL. Këto dy institucione të bllokut janë duke i vazhduar bisedimet për këtë nën një presion të madh kohor.
Për miratimin formal të këtij plani, i cili përfshin 6 miliardë euro ndihmë financiare për gjashtë vendet e rajonit, është i domosdoshëm pajtimi i Parlamentit Evropian dhe Këshillit.
Nga 6 miliardë euro, 2 miliardë do të jepen si grante pa kthim, ndërsa 4 miliardë në formën e kredive të favorshme.
Burimet e Radios Evropa e Lirë kanë thënë se qëndrimet janë përafruar, por ende nuk ka pajtim të plotë mes PE-së dhe Këshillit.
Ndryshe, Parlamenti dhe Këshilli Evropian kanë miratuar qëndrimet për Reformën dhe Planin e Zhvillimit të Ballkanit Perëndimor, ndërsa pritet që deri në fund të muajit prill të përfundohet procedura për miratimin e kësaj rregullative.
Plani i ri për rritje ekonomike në vendet e Ballkanit Perëndimor u miratua nga Komisioni Evropian me 8 nëntor 2023 dhe kap vlerën e 6 miliardë eurove, i njëjti bazohet në katër shtylla. E para, forcimi i integrimit ekonomik në tregun unik të BE-së. E dyta, forcimi i integrimit ekonomik brenda Ballkanit Perëndimor përmes tregut të përbashkët rajonal. E treta, përshpejtimi i reformave fundamentale. E katërta, rritja e asistencës financiare për të ndihmuar reformat.
Për këtë plan, samiti u mbajt më 22 janar në Shkup dhe me 19 shkurt në Tiranë ku u miratua Deklarata e përbashkët e liderëve, në drejtim të bashkëpunimit të mëtutjeshëm institucional ndërmjet shteteve, duke specifikuar hapat dhe nismat konkrete për realizimin e këtij qëllimi të rëndësishëm për cilësinë e jetës së qytetarëve në gjithë rajonin.
- LEXO: 6 miliardë euro nga BE, deri në fund të prillit do të jenë të qasshme për vendet e Ballkanit Perëndimor
- LEXO: Kjo është Deklarata e përbashkët e liderëve të Ballkanit Perëndimor që u miratua në Konferencën BE-Ballkani Perëndimor
- LEXO: Varhelyi për Planin e Rritjes: Në 2027 mos thoni se nuk jemi gati për në BE, keni 6 miliardë euro në ndihmë për Ballkanin Perëndimor
- LEXO: Plani i rritjes për Ballkanin Perëndimor: Liderët në rajon të kënaqur që po diskutohet ekonomia, jo politika
- LEXO: Plani për rritje i Bashkimit Evropian për Ballkanin: “përshpejtim”, “përforcim”, “kushtëzim” me tempo adagio
- LEXO: Liderët e BE-së sigurojnë dy miliardë euro për Ballkanin Perëndimor
- LEXO: BE përgatiti mbështetje prej 6 miliardë euro për Ballkanin Perëndimor