Antikorrupsioni do ta denoncojë ish-zëvendësministrin Nazim Bushi, ka nënshkruar 189 vendime para formimit të Qeverisë
Komisioni antikorrupsion do ta denoncojë në organin kompetent ish-zëvendësministrin e Brendshëm Nazim Bushi pasi në vakum deri në votim të qeverisë së re, pra ministrit të ri të Brendshëm, ka firmosur 189 vendime për rishpërndarjen e punonjësve në Ministri, dhe periudha për zgjidhjet e reja konsiderohet si kohë zgjedhjesh, transmeton Portalb.mk.
Sipas KShPK-së, Bushi ka shkelur Kodin Zgjedhor, për të cilin është penalisht përgjegjës.
Më datë 28.06.2024, Komisioni ka marrë ankesë nga një denoncues, i cili e ka raportuar Bushin se ka shkelur nenin 34 paragrafi 1 të Ligjit për Parandalimin e Korrupsionit dhe Konfliktin e Interesit dhe nenin 8 paragrafi 1 të Kodit Zgjedhor.
Nga ato 189 vendime që ai ka nënshkruar gjatë asaj periudhe, 98 ishin për vendosje horizontale të punonjësve në MPB dhe 68 për gradim, të cilat kanë implikime financiare në buxhetin e Ministrisë. Ai gjithashtu ka nënshkruar 23 vendime me të cilat ka ulur të njëjtin numër punonjësish në pagë më të ulët.
Kujtojmë se në vitin 2022, djali Nazim Bushit është ndalur pas arratisjes nga patrulla policore për shkak të përdorimit ilegal të flesherëve, por policët e kanë lëshuar me pohimin se bëhet fjalë për automobil zyrtar të Shërbimit për punë të përgjithshme dhe të përbashkëta.