Ambasadori i Shqipërisë në RMV dhe fëmijët e Manastirit vizituan Edi Ramën në Kryeministri

Një grup fëmijësh nga Biblioteka “Linkest” në Manastir vizituan sot Kryeministrinë e Shqipërisë, ku zhvilluan takim me kreun e qeverisë Edi Rama, transmeton Portalb.mk

Në këtë takim mori pjesë edhe Denion Meidani, ambasador i Shqipërisë në Maqedoninë e Veriut, i cili vuri në dukje rolin e Ambasadës në mbështetjen e aktiviteteve kulturore dhe edukative për komunitetin shqiptar jashtë vendit.

“Në Kryeministri, së bashku me fëmijët nga Biblioteka “Linkest” në Manastir, në një takim të veçantë me Kryeministrin e Shqipërisë, Edi Rama.

Fëmijë që mbajnë gjallë gjuhën shqipe, librin shqip dhe dashurinë për identitetin tonë, edhe përtej kufijve. Çdo fjalë e mësuar, çdo libër i lexuar në shqip është një urë që lidh brezat dhe një dëshmi se bijtë e shqipes, kudo që janë, e mbajnë gjallë gjuhën dhe kulturën e tyre.

Ku ruhet gjuha shqipe, ruhet edhe shpirti i kombit”, shkroiMeidani në një postim në rrjtetet sociale, ku ka ndarë dhe foto.