720 të rinj të papunë në RMV planifikohet të marrin nga rreth 10,000 euro për të filluar biznes

Gjithsej 720 të rinj do të marrin mbështetje për vetëpunësim (të rinj të punësuar deri në moshën 29 vjeç), dhe me masën, ata do të marrin mbështetje për të filluar ose formalizuar biznesin e tyre, me kusht që të jenë të regjistruar në APRMV me të paktën arsim fillor të përfunduar, transmeton Portalb.mk.

Kjo është parashikuar nga plani i ri operativ i punësimit i miratuar nga Qeveria, dhe sipas të cilit do të ndahen 40 milionë euro për punësimin e 16,000 qytetarëve. Shuma e mbështetjes financiare për të rinjtë e papunë është 615,000 denarë (fonde të pakthyeshme për fillimin e një biznesi) dhe 3,000 denarë për të financuar një pjesë të kostos së regjistrimit të një personi juridik.

Sa i përket masave për të rinjtë, pritet që rreth 65% e personave të përfshirë të jenë të rinj deri në moshën 29 vjeç.

Si pjesë e këtij seti masash që i premton Qeveria janë:

• Mbështetja për vetëpunësim – për të rinjtë e papunë deri në moshën 29 vjeç, që sipas projeksioneve përfshin rreth 720 persona. Me këtë masë, personat e papunë pritet të marrin mbështetje për të nisur ose për të formalizuar biznesin e tyre, me kusht që të jenë të regjistruar në APRMV dhe të kenë përfunduar së paku arsimin fillor. Shuma e mbështetjes financiare është 615.000 denarë (mjete të pakthyeshme për themelimin e biznesit) dhe 3.000 denarë për mbulimin e një pjese të shpenzimeve për regjistrimin e subjektit juridik.
• Mbështetje për vetëpunësim – përmes bashkimit në një SHPK, që parashikohet të përfshijë 400 persona, nga të cilët 220 të rinj deri në moshën 29 vjeç, e cila synon të mundësojë që të papunët të fillojnë ose të formalizojnë biznesin e tyre, me kusht që të jenë të regjistruar në APRMV dhe të kenë të paktën arsim fillor të përfunduar. Shuma e mbështetjes financiare planifikohet të variojë nga 861.000 denarë deri në 1.230.000 denarë (subjekt juridik me dy ortakë). Shuma më e ulët prej 861.000 denarësh vlen për dy ortakë mbi moshën 29 vjeç, ndërsa shuma më e lartë prej 1.230.000 denarësh vlen për dy ortakë nën moshën 29 vjeç. Gjithashtu, ortakët mund të jenë një person nën 29 vjeç dhe një mbi 29 vjeç. Parashikohen gjithashtu edhe 3.000 denarë për mbulimin e një pjese të kostos për regjistrimin e subjektit juridik.
• Masa për praktikantë, qëllimi i së cilës është të përfshijë 1.352 të rinjve deri në moshën 29 vjeç për të fituar njohuri dhe aftësi praktike të nevojshme për kryerjen e detyrave të caktuara të punës, me një nga kushtet që të kenë të paktën arsim të mesëm të përfunduar.
• Shtesa për të rinj për 3.500 persona deri në moshën 23 vjeç që do të punësohen ose janë të punësuar në sektorin e prodhimit. Kjo masë synon forcimin e kapaciteteve të ekonomisë me qëllim nxitjen e angazhimit të të rinjve deri në moshën 23 vjeç për punësim në sektorin e prodhimit pas përfundimit të arsimit të mesëm, duke kontribuar kështu në përmirësimin e standardit të tyre jetësor përmes punës dhe përmbushjes së nevojave të punëdhënësve me fuqi punëtore të kualifikuar. Lartësia e mbështetjes financiare është 3.000 denarë në muaj për çdo person të punësuar.

Programet dhe masat tjera:

• Mbështetje për vetëpunësim (sipërmarrësi) – për persona të papunë mbi 29 vjeç, që ka potencial të përfshijë 610 qytetarë;
• Mbështetje për punësimin e personave me aftësi të kufizuara, përfshirë 150 persona;
• Trajnim në vendin e punës te punëdhënës konkret, me përfshirje të 245 personave të papunë të regjistruar në APRMV;
• Trajnime për profesione të kërkuara në tregun e punës për 600 persona të papunë;
• Trajnime për drejtues automjetesh për kategoritë C, CE dhe D për 200 persona të papunë të regjistruar në APRMV;
• Gjithashtu trajnime për gjuhë të huaja, aftësi bazë kompjuterike dhe shumë masa e programe të tjera.

“U bëjmë thirrje qytetarëve, subjekteve juridike dhe opinionit që të njihen në tërësi me mundësitë që ofron plani operativ për programet dhe masat aktive për punësim dhe shërbimet në tregun e punës për vitin 2025, si dhe me kushtet dhe përfitimet që ofrohen. Plani operativ ka për qëllim të ulë papunësinë dhe të shfrytëzojë të gjithë kapacitetin njerëzor të Maqedonisë drejt zhvillimit të ekonomisë dhe sigurimit të një jete më të mirë për qytetarët”, tha Mickoski.

Ky plan shtoi kryeministri, është rezultat i një analize të thelluar të nevojave të tregut të punës dhe të nevojave të personave që kërkojnë punë.