U mbajt Gara Kombëtare e Olimpiadës së Ekonomisë në RMV

Në Tetovë dje u mbajt Gara Kombëtate e Olimpiadës së Ekonomisë, raporton Portalb.mk.

Pas fazës rajonale të zhvilluar në 7 qendra rajonale (Shkup, Tetovë, Kumanovë, Shtip, Prilep, Strugë dhe Gostivar), nxënësit më të mirë garuan në nivelin kombëtar.

Ngjarja mblodhi nxënës, mësues, partnerë institucionalë dhe mbështetës të sektorit privat, duke theksuar rëndësinë në rritje të aftësive të edukimit ekonomik dhe të të menduarit kritik te të rinjtë.

Në nivel rajonal, tre studentët më të mirë në secilin prej shtatë rajoneve u vlerësuan me: laptop, tablet dhe orë të mençur.

Në nivel kombëtar, gara vazhdoi me një garim edhe më konkurrues ku 10 nxënësit më të mirë në nivel kombëtar u shpërblyen me kuponë prej 200 eurosh.

5 nxënësit më të mirë do të përfitojnë më tej nga pjesëmarrja në një kamp përgatitor dhe mundësinë për të përfaqësuar Maqedoninë e Veriut në Olimpiadën Ndërkombëtare të Ekonomiksit në Greqi.

Në partneritet me Universitetin e Evropës Juglindore, gara gjithashtu ofron mundësi të konsiderueshme akademike për tre nxënësit më të mirë, ku vendi i parë përfitoi bursë 100% në Fakultetin e Biznesit dhe Ekonomisë, vendi i dytë bursë 70% dhe vendi i tretë bursë 50%.

U ndanë edhe çmimet e koordinatorëve apo mentorëve më të mirë në secilin prej 7 rajoneve, secili duke marrë një çmim prej 200 dollarësh, si dhe koordinatori më i mirë në nivel kombëtar, i cili shpërbleu një udhëtim për dy persona në Stamboll.

Ndryshe, Olimpiada e Ekonomiksit në Maqedoninë e Veriut organizohet nga Instituti i Alternativës Liberale (LAI) dhe mbështetet nga Iniciativa e Bazave Ekonomike (EFI), në partneritet me Universitetin e Evropës Juglindore dhe një rrjet të gjerë partnerësh dhe sponsorësh.