Samiti Digjital i Talinit 2023, Kovaçevski: Digjitalizimi është mjeti jonë i fuqishëm për përshpejtimin e rrugës evropiane
Kryeministri i Maqedonisë së Veriut, Dimitar Kovaçevski, mbajti fjalim në hapjen e Samitit Digjital të Talinit 2023 në Estoni. Kovaçevski deklaroi se digjitalizimi si proces është tipar i shoqërive demokratike, të hapura dhe transparente. Ai jo vetëm që ofron një shërbim më të mirë dhe më të shpejtë për qytetarët, por ndikon edhe në uljen e korrupsionit, i cili luan një rol serioz në kontekstin e vazhdimit të rrugës dhe integrimit tonë evropian dhe angazhimit për forcimin e sundimit të së drejtës, i cili përmirëson edhe shoqërinë, transmeton Portalb.mk..
“Për të gjitha këto procese, besoj se mbështetja nga vende si Estonia do të jetë kyçe. Partneritetet në këtë kuptim janë çelësi për tejkalimin e sfidave. Puna e përbashkët është bazë për realizimin e qëllimeve të përbashkëta – ofrimi i institucioneve të hapura, transparente dhe të përgjegjshme që u ofrojnë qytetarëve shërbime më cilësore, e me këtë edhe mbrojtjen e demokracisë”, tha Kovaçevski.
Ai shtoi se digjitalizimi dhe përvoja e Estonisë dhe vendeve baltike janë mjetet tona që do të sigurojnë një hap të përshpejtuar në rrugën evropiane dhe anëtarësimin në BE, si dhe zbatimin e shërbimeve elektronike për qytetarët.
“Si një nga shembujt, në kapitullin për drejtësinë dhe të drejtat themelore, jam i bindur se digjitalizimi i gjykatave dhe prokurorisë do të ndihmojë në reformimin e gjyqësorit, uljen e korrupsionit dhe përmirësimin e sundimit të së drejtës për qytetarët. Në kapitujt për lirinë e lëvizjes së mallrave dhe punonjësve, do të ofrojë mundësi që tani i kufizojnë qytetarët tanë nga pjesëmarrja në tregun e vetëm. Digjitalizimi është mjeti ynë më i fuqishëm për të përshpejtuar anëtarësimin tonë në Bashkimin Evropian dhe për këtë arsye është fokusi ynë dhe është lartë në agjendën e Qeverisë”, deklaroi Kovaçevski.
Ai përmendi edhe mundësitë që i ofron teknologjia 5G, në fushën e ballafaqimit me kriza dhe sigurimin e rezistencës në atë aspekt, gjithashtu një fushë për punë.
“Ajo që personalisht mendoj se meriton vëmendjen më të madhe është zhvillimi i kapaciteteve të sektorit të TI-së dhe inkurajimi i të rinjve që të shohin dhe gjejnë të ardhmen e tyre në këtë segment, por në shtëpi, në Maqedoninë e Veriut. Edhe sot kemi një mbajtje të shkëlqyeshme të personelit të TI-së që vjen nga institucionet arsimore sepse kushtet për ta në shtëpi, me pagat që marrin në sektorin e TI-së, u sigurojnë atyre një cilësi të shkëlqyer jetese, duke siguruar një kontribut dhe zhvillim në ekonomia maqedonase. Nga ky aspekt, Maqedonia e Veriut është një destinacion i shkëlqyeshëm për nomadët digjitalë dhe përvojat në këtë temë janë jashtëzakonisht pozitive, të konfirmuara nga shumë kompani që japin bizneset e tyre në Maqedoninë e Veriut, por edhe kompani maqedonase që punojnë për kompani jashtë vendit”, tha Kovaçevski.
Pjesëmarrëse në Samitin në fjalë është edhe Fondacioni Metamorfozis me përfaqësuese drejtoreshën e programeve, Dançe Danillovska Bajdevska.
Në kuadër të pjesëmarrjes në Samit, parashihet që Kryetari i Qeverisë Kovaçevski të ketë takim dypalësh me Kryeministren e Estonisë, Kaja Kallas.
Temat kryesore që po diskutohen në Samitin Digjital të Talinit 2023 janë sfidat dhe mundësitë në epokën digjitale, si dhe rifreskimi i agjendës së demokracisë dhe teknologjisë, duke përcaktuar rrugën drejt një të ardhmeje më të fuqishme, më rezistente më të përgjegjshme dhe të hapur. Qëllimi i Samitit është të jep një kontribut thelbësor në diskursin global rreth ndërtimit të demokracive moderne rezistente.
Diskutimet dhe dokumenitimet nga Samitit Digjital i Talinit do të kontribuojnë në debatin global rreth temave të konferencës dhe do të krijojnë hapësirë të mjaftueshme për rrjetëzim dhe takime fizike, dy dhe shumëpalëshe.
Nën temën gjithëpërfshirëse të forcimit të demokracisë, edicioni i këtij viti i Samitit Digjital të Talinit do të pasohet gjithashtu nga Samiti i 8-të Global i Partneritetit të Qeverisjes së Hapur (OGP) të cilin Estonia po e pret në 6-7 shtator 2023.
Samiti i parë Digjital i Talinit u mbajt në shtator 2017 midis 28 vendeve anëtare të Bashkimit Evropian si pjesë e Presidencës Estoneze të Këshillit të BE-së. Ai pati sukses në krijimin e një debati shumë të nevojshëm të nivelit më të lartë politik mbi të ardhmen digjitale të qeverive dhe shoqërisë brenda BE-së.