Sllavjanka Petrovska në Bruksel, foto nga profili i saj zyrtar në Facebook
Share
Ministrja e Mbrojtjes Sllavjanka Petrovska sot dhe nesër në Bruksel do të marrë pjesë në takimin e Këshillit Veriatlantik të NATO-s, në nivel të ministrave të mbrojtjes, si dhe në disa takime të organizuara në margjinat e takimit ministror, transmeton Portalb.mk.
Takimi ministror pritet të diskutojë përgatitjet për Samitin e ardhshëm të NATO-s në Vilnius, Lituani në korrik 2023, si dhe hapat për forcimin e konceptit të Aleancës për Mbrojtjen dhe Parandalimin, dhe nevojën për mbajtjen e investimeve në mbrojtje me një minimum prej 2 % të prodhimit të brendshëm bruto.
Sot Petrovska do të marrë pjesë në takimin e Grupit të kontaktit për Ukrainën udhëhequr nga ShBA, të Komisionit NATO-Ukrainë, ku do të marrin pjesë ministrat e Mbrojtjes të Suedisë dhe Ukrainës, si dhe përfaqësuesi i lartë i BE-së, Josep Borrell, ndërsa do të takohet gjithashtu me kolegë ministra të mbrojtjes nga vendet e SHBA-Karta e Adriatikut
Në selinë e NATO-s, ministrja do të marrë pjesë edhe në takimin kushtuar forcave shumëkombëshe të NATO-s në Letoni nën udhëheqjen e Kanadasë, ku pjesë e kontingjentit slloven janë ushtarët nga Maqedonia e Veriut.
Gjatë mbledhjes së Këshillit të Atlantikut të Veriut të NATO-s janë planifikuar disa takime të veçanta me ministrat e mbrojtjes nga vendet aleate.
