Për shkak motit jo të favorshëm në Shkup, dy avionë u ulën në Prishtinë

Qendra për Menaxhim me Kriza (QMK) ka sqaruar që dy avionë kanë ndryshuar vendin e zbritjes, ndërsa dy tjerë po presin kushte më të favorshme për zbritje, transmeton Portalb.mk.

“Për shkak të erërave të forta jugore që prekin rajonin e Shkupit, dy avionë janë devijuar për t’u ulur në aeroportin e Prishtinës”, raportoi Qendra.

Në njoftim theksohet se dy avionë tjerë janë duke pritur kushte më të përshtatshme për ulje.