Microsoft nën hetim të autoriteteve amerikane

Microsoft do të vihet nën mikroskopin e autoriteteve rregullatorë Amerikane, konkretisht Komisioni Federal Tregtar i cili do ta hetojë për praktikat e biznesit, raporton PCW.

Përmes një letre dërguar Microsoft, FTC kërkon që kompania ti japë informacion në lidhje me një hetim të agjencisë raportoi Bloomberg. As FTC, as Microsoft nuk kanë komentuar lajmin.

Biznesi i Microsoft shtrihet në disa fusha. Në inteligjencë artificiale është shndërruar me shpejtësi në një lojtar madhor falë investimit në OpenAI dhe sistemet e saj si Copilot i cili mbështetet në infrastrukturën cloud të kompanisë.

Megjithatë gjiganti i Windows është vënë nën presion edhe në të kaluarën. Zyrtarët Amerikane në fillim të vitit konsideruan një hetim të mundshëm të partneritetit mes Microsoft dhe OpenAI.

Gjithashtu Microsoft u ballafaqua me FTC për blerjen 69 miliardë dollarëshe të Activision Blizzard, marrëveshje e cila u mbyll në Tetor të 2023. Agjencia asokohe argumentonte se kjo marrëveshje i garantonte Microsoft monopol në industrinë e video lojërave.

Hetimi vjen pak muaj përpara se presidenti i zgjedhur Donald Trump të marrë drejtimin e Shtëpisë së Bardhë. Trump ende nuk ka vendosur ke do të nominojë për drejtimin e FTC por zëvendësimi i Lina Khan është i sigurte.