Javën e ardhshme Apple shpalosi modelet e reja iMac, MacBook Pro dhe Mac mini

Apple ka planifikuar një javë debutimesh duke filluar prej ditë së Hënë më 28 Tetor dhe është e garantuar se do të shohim disa Mac të rinj, raporton PCW. Zëvendës presidenti i marketingut pranë Apple Greg Joswiak paralajmëroi përmes një postimi në X ardhjen e modeleve të reja.

Prej disa javësh është raportuar se Apple do të prezantonte kompjuterë të rinj desktop Mac dhe laptopë MacBook me çipin e fundit M4, një vit pasi prezantoi laptopët e parë M3.

M4 debutoi në një iPad Pro në fillim të vitit por Apple ende nuk ka rifreskuar Mac me çipin e fundit.

Ishte spekuluar se Apple do të lançonte një iMac, MacBook Pro 14-inç dhe 16-inç dhe një Mac mini me çipin e ri M4 në fillim të 2025. Por siç duket ka vendosur ti nxjerrë në shitje përpara festave të fundvitit.

Hardueri i ri nuk është e vetmja gjë që Apple ka përgatitur për javën e ardhshme. Të Hënën kompania lançoi përditësimin e softuerit në iPhone, iPad dhe Mac që sjell funksionalitetet e para AI.