Izraeli sulmoi klinikën e OKB-së, që në agim vrau 23 palestinezë në Gaza

Forcat izraelite kanë vrarë të paktën 23 palestinezë në të gjithë Gazën që nga agimi, me një nga sulmet që synonte një klinikë të Kombeve të Bashkuara që strehonte persona të zhvendosur në Qytetin e Gazës, raporton Al Jazeera.

Ndihmës Sekretari i Përgjithshëm i OKB-së, Miroslav Jenca, i tha Këshillit të Sigurimit të OKB-së se përpjekja e raportuar e kryeministrit izraelit Benjamin Netanyahu për të pushtuar plotësisht Gazën është “thellësisht alarmante”. Zëvendëspresidentja e Komisionit Evropian, Teresa Ribera, gjithashtu e përshkroi planin si një “provokim të papranueshëm”.

Presidenti i Shteteve të Bashkuara, Donald Trump, tha se “varet pak a shumë nga Izraeli” të vendosë nëse do të vazhdojë.

Lufta e Izraelit në Gaza ka vrarë të paktën 61,020 njerëz dhe ka plagosur 150,671. Rreth 1,139 njerëz u vranë në Izrael gjatë sulmeve të 7 tetorit 2023 dhe më shumë se 200 u morën peng.