Tre të lënduar në aksident trafiku pranë aeroportit të Shkupit, MPB me detaje rreth rastit

Tre persona u lënduan në një aksident trafiku që ndodhi këtë mëngjes në autostradën “Miqësia” pranë daljes që të çon në Aeroportin Ndërkombëtar të Shkupit, njoftoi Ministria e Punëve të Brendshme (MPB).

Ata shtuan se aksidenti ndodhi këtë mëngjes në orën 5:30 të mëngjesit kur një automjet me targa serbe goditi rrethojën metalike dhe u përmbys në rrugë.

Përveç shoferit të “Nissan”, 34-vjeçarit N. Xh. nga Republika e Serbisë, u lënduan edhe dy pasagjere femra. Të lënduarit, shtoi Ministria e Punëve të Brendshme, u dërguan në Qendrën e Emergjencës në kompleksin e klinikave “Nënë Tereza” me ambulancë.

Ekipet e SPB Shkup janë në terren duke kryer inspektim nën udhëheqjen e prokurorit publik.

Më herët sot, Lidhja Auto Moto e Maqedonisë (LMM) informoi se për shkak të aksidentit të trafikut, komunikacioni në rrugën anësore të Shkupit që të çon në aeroport është ndërprerë dhe se automjetet po devijohen përmes kryqëzimit në rafinerinë Okta.

Aeroporti Ndërkombëtar i Shkupit konfirmoi se ka një devijim të trafikut dhe po i këshillon shoferët të përdorin daljen që të çon në hyrjen e vjetër të aeroportit, pra në ndërtesën e vjetër të aeroportit.