26 zjarre në ambiente të hapura në 24 orët e fundit, pesë janë ende aktivë
Në 24 orët e fundit ka pasur 26 zjarre në ambiente të jashtme dhe 5 prej tyre janë aktivë mëngjesin e sotëm, thotë QMK. Në përgjithësi, sipas situatave emergjente, forcat e angazhuara zjarrfikëse, të punësuara nga kompanitë publike, si dhe nga shoqatat dhe vendasit, kishin kontroll të pjesshëm ndaj zjarreve të mëdha në natyrë. Jetët e njerëzve nuk u kërcënuan, transmeton Portalb.mk.
Pesë zjarret aktive (5) janë në komunat: Negotinë në atarin e fshatit Kalanjevë (ku digjet bimësi e ulët dhe pylli); Novosellë mbi fshatin Badilen, lokaliteti “Shamok” (pyll me pisha); Gjevgjeli, ndërmjet fshatrave Negorci dhe Kovanec (pyll i përzier); Dollneni mbi fshatin Crnilishtë (bimësia me kërcell të ulët) dhe në Komunën e Shtipit, në mes të fshatrave Dragoevë dhe Selcë, lokaliteti “Haxhi Rexhepli” (ku digjet bimësi e ulët dhe shkurret).
Që në orët e para të mëngjesit të sotëm, tashmë është marrë masa ndaj zjarreve aktive dhe si përforcim i forcave zjarrfikëse nga toka, një helikopter i ushtrisë ka nisur një operacion për zjarrin në malin Serta.
21 zjarre të shuara janë në komunat: Qendër, Çuçer Sandevë, Studeniçan, Shuto Orizar, Butel, Petrovec, Gazi Babë, Saraj, Manastir, Prilep, Dollnen, Strugë, Gradsko Koçan, Shtip, Tetovë dhe në Komunën e Bogdancit
Nga korriku e deri më tani, duke përfshirë datën 12 korriku, ka pasur gjithsej 173 zjarre në hapësirë të hapur në shkallë të gjerë.
Të gjitha rastet emergjente raportohen në numrin e vetëm të urgjencës 112 në QMK, veçanërisht kur qytetarët kanë situata kërcënuese për jetën. Njëkohësisht, QMK bën me dije se është e dobishme të ndiqen rekomandimet dhe informacionet nga media për parandalim, por edhe për reagim ndaj emergjencave.
Qendra për Menaxhimin e Krizave (QMK) bëri të ditur se në 24 orët e fundit në numrin e vetëm të emergjencës 112 në QMK janë regjistruar gjithsej 2.190 thirrje. Prej tyre 65,60% kanë qenë thirrje “reale”, dhe 20,00% për nevoja të tjera jo urgjente të qytetarëve. 66,13% janë drejtuar në Polici, 19,62% në Shërbimin e Urgjencës Mjekësore, 10,67% tek Zjarrfikësit dhe 0,27% në LAMM.
Ndryshe, në 112 janë bërë 843 thirrje urgjente në QMK, që është shuma totale e atyre që kanë qenë për zgjidhje të kombinuar nga thirrjet “reale” (3,47%) dhe ato të emërtuara si “telefonata jo emergjente” (43%). Të gjithë ata i janë nënshtruar pritjes, përpunimit në QMK dhe koordinimit të drejtpërdrejtë për zgjidhjen e tyre me institucionet dhe shërbimet në Sistemin e Menaxhimit të Krizave (SMK).