RMV, në ditët në vijim do të vazhdojë moti i paqëndrueshëm me reshje shiu dhe bubullima
Ditën e enjte dhe të premte do të ketë dukuri të izoluar të paqëndrueshmërisë me reshje të rrëmbyeshme dhe bubullima, njofton Drejtoria për Punë Hidrometeorologjike, transmeton Portalb.mk.
Në ditët e fundjavës do të mbizotërojë mot i ndryshueshëm i vranët, herë pas here i paqëndrueshëm me reshje të rrëmbyeshme shiu, bubullima dhe paraqitje lokale të stuhive.
Temperatura minimale e mëngjesit do të jetë nga 8 deri në 16, ndërsa ajo maksimale ditore do të arrijë në 39 gradë.