Smartfoni i ardhshëm i OnePlus ka dyfishin e memories të Samsungut dhe iPhone
Me harduerin më të fuqishëm të mundshëm, edhe smartfonët gaming më të mirë ofrojnë 18GB RAM por OnePlus Ace 2 Pro do të vendosë një rekord të ri, të paktën në letër, shkruan PcWorldAl.
Sipas disa informacioneve të fundit, flagshipi i ardhshëm i OnePlus do të ketë një version të përshpejtuar të çipit Snapdragon 8 Gen 2 dhe një kapacitet RAM prej 24GB.
Ndërsa Samsung i mbaroi ekskluziviteti i variantit të fuqishëm të çipit Snapdragon 8 Gen 2 që debutoi tek linja Galaxy S23 dhe asnjë smartfon tjetër, OnePlus Ace 2 Pro do të ofrojë harduerin më të mirë të mundshëm për një flagship Android në 2023.
Informatori i njohur në rrjetin social Twitter Shishir tha se flagshipi do të ketë dyfishin e memories së Galaxy S23 Ultra dhe 6 herë më shumë RAM sesa iPhone 14 Pro dhe iPhone 14 Pro Max.
Një tjetër aspekt që duhet theksuar i këtij smartfoni është përdorimi i RAM-it më të fundit LPDDR5X ndërsa kompanisë si Samsung dhe Apple janë ende në LPDDR5.
OnePlus Ace 2 Pro will feature upto 24GB of RAM and 1TB of ROM 😳
This is excluding the virtual ram 🫨
– Snapdragon 8 Gen 2 (3.36 GHz)
– Large VC Liquid Cooling system
– 24GB LPDDR5X RAM
– 1TB UFS 4.0 StorageThe most powerful OnePlus ever! pic.twitter.com/7sALY2vzsh
— Shishir (@ShishirShelke1) June 25, 2023
OnePlus do të përdorë një sistem ftohjeje të dhomave të avullimit në përmasa më të mëdha për të adresuar temperaturat e larta që mund të vinë për shkak të çipit flagship Snapdragon 8 Gen 2.
Pajisja spekulohet të vijë me 1TB memorie UFS 4.0, një standard i cili është disa herë më i shpejtë sesa UFS 3.0. Falë saj aplikacionet dhe lojërat do të hapen më shpejtë.