Revizori që akuzohet se Dimitrovskës i ka dhënë testin për sekret shtetëror u kthye në punë, por nuk do të jetë revizor

Revizori i Entit Shtetëror për Revizion, Mile Stolevski, i akuzuar që kryetares së Antikorrupsionit, Tatjan Dimitrovskës, i ka dhënë testin për sekrete shtetërore, është kthyer në punë, por nuk do të jetë revizor, raporton Tellma, transmeton Portalb.mk.

Maksim Acevski, drejtori i Entit Shtetëror për Revizion konfirmoi që ndaj tij do të niset procedurë disiplinore.

“ESHR ka njoftuar Drejtorinë për Sigurinë e Informacionit të Klasifikuar, se legjitimiteti i tij për identifikim gjatë inspektimit të dokumenteve me nivelin e sekretit shtetëror është tërhequr. Ne po presim udhëzime nga Drejtoria për veprime të mëtejshme, sepse nuk mund ta anulojmë certifikatën e tij”, Acevski.

Ndryshe, Tatjana Dimitrovskës i është anuluar certifikata pas udhëzimeve nga Drejtoria për siguri dhe informacione të klasifikuara. Ajo dyshohet që ndihmuar një të akuzuar në rastin “Aditiv”.

Grupi parlamentar i Levicës më 22 korrik ka paraqitur propozim për shkarkimin e kryetares së Komisionit Shtetëror për Parandalimin e Korrupsionit (KSHPK), Tatjana Dimitrovska. Ata thonë se është e papranueshme që Parlamenti të jetë pasiv dhe të presë që vetë kryetarja të japë dorëheqjen për arsye morale, kur kundër Dimitrovskës janë duke u zhvilluar dy hetime penale dhe ajo nuk ka ardhur në punë për më shumë se dy muaj.