Presidentja Siljanovska-Davkova do të marrë pjesë në varrimin e Papa Françeskut
Presidentja Gordana Siljanovska-Davkova sot do të marrë pjesë në meshën mortore kushtuar Papa Françeskut, e cila do të mbahet para Bazilikës së Shën Pjetrit në Vatikan, njofton Portalb.mk.
Mesha do të drejtohet nga kardinali Giovanni Battista Re, Dekan i Kolegjit të Kardinalëve.
Në lamtumirën e fundit të Papës në Sheshin e Shën Pjetrit pritet të marrin pjesë liderë të shumtë botërorë – presidentë dhe kryeministra, anëtarë të familjeve mbretërore, udhëheqës fetarë dhe rreth 200.000 besimtarë.
Papa Françesku do të varroset në Bazilikën e Santa Maria Maggiore në Romë.
Papa Françesku ndërroi jetë më 21 prill në rezidencën e tij.