MPJ e Maqedonisë së Veriut pas tragjedisë në Cetinje: Mendimet tona janë me popullin e Malit të Zi
Ministria e Punëve të Jashtme dhe Tregtisë së Jashtme e vendit përmes rrjeteve sociale u ka dërguar ngushëllime familjeve të viktimave në ngjarjen tragjike në Cetinje të Malit të Zi, transmeton Portalb.mk.
Në Cetinje ditën e parë të vitit të ri mbetën të vrarë 12 persona, ndërsa autori i aktit të tmerrshëm u vetëvra pak pas aktit përgjakshme, pasi u rrethua nga policia.
“Jemi thellësisht të tronditur dhe të pikëlluar nga ngjarjet tragjike në Cetinje të Malit të Zi. Solidariyohemi me familjet e viktimave dhe me popullin e Malit të Zi në këtë kohë të vështirë. Mendimet tona janë me ju”, thuhet në postimin e Ministrisë së Punëve të Jashtme dhe Tregtisë së Jashtme të Maqedonisë në platformën X.
💔🙏 Deeply shocked and saddened by the tragic events in Cetinje, Montenegro. We stand in solidarity with the families of the victims and the people of Montenegro during this difficult time. Our thoughts are with you.
— MFAFT North Macedonia 🇲🇰 (@MFA_MKD) January 2, 2025
Në Mal të Zi sot është dita e parë e tri ditëve të zisë pas vrasjes së shumëfishtë.
Përveç dymbëdhjetë të vrarëve, të paktën katër persona u plagosën nga i dyshuari Aco Martinovic, i cili vdiq rrugës për në spital pasi qëlloi veten.