Me promovimin e pullave postare dhe ndarje çmimesh, Ministria e Mbrojtjes shënoi 4 vjetorin e anëtarësimit në NATO
Me stërvitje kryer nga Garda e Ushtrisë, promovimin e dy pullave postare dhe ndarje çmimesh për përbërjen ushtarake dhe civile të Ushtrisë, sot para pllajës së Ministrisë së Mbrojtjes u mbajt katër vjetori i anëtarësimit të vendit në NATO dhe 32 vjetori i krijimit të Shtabit të Përgjithshëm të Ushtrisë, transmeton Portalb.mk.
“Në këtë ditë të vitit 2020, ne treguam se ku përkasim, cilat janë vlerat tona të përbashkëta dhe cili është vendi ynë si një vend që gjithmonë ka qëndruar për paqen, demokracinë, sigurinë dhe stabilitetin. Por kjo datë ka edhe një rëndësi tjetër historike – datë kyçe në krijimin e Maqedonisë sovrane dhe të pavarur”, tha në fjalimin e saj ministrja e Mbrojtjes Slavjanka Petrovska.
Ajo theksoi se në të njëjtën datë të vitit 1992 janë krijuar kushtet për formimin e ushtrisë maqedonase.
“27 marsi i parë konfirmoi vendosmërinë tonë për një shtet të pavarur dhe sovran dhe i dyti forcoi sigurinë dhe stabilitetin tonë. Me hyrjen në NATO, ne qartë zgjodhëm rrugën – stabilitet dhe aleancë kundër sjelljeve destruktive”, tha Petrovska.
4 vjetori i anëtarësimit në NATO. Foto: Ministria e Mbrojtjes
4 vjetori i anëtarësimit në NATO. Foto: Ministria e Mbrojtjes
4 vjetori i anëtarësimit në NATO. Foto: Ministria e Mbrojtjes
4 vjetori i anëtarësimit në NATO. Foto: Ministria e Mbrojtjes
4 vjetori i anëtarësimit në NATO. Foto: Ministria e Mbrojtjes
4 vjetori i anëtarësimit në NATO. Foto: Ministria e Mbrojtjes
NATO, siç tha ajo, nuk është kërcënim për askënd, por ekziston për të mbrojtur veten.
“Historia jonë tregon se ne promovojmë stabilitetin, barazinë dhe dialogun. Si anëtar i Aleancës, ne duhet të jemi të gatshëm dhe të përgjegjshëm për të forcuar sistemin e qëndrueshmërisë së shoqërisë sonë. Është një sfidë serioze që duhet ta tejkalojmë”, tha Petrovska dhe theksoi se Armata do të vazhdojë të zhvillohet dhe modernizohet sepse është shtylla e shtetit dhe do të vazhdojë edhe investimi në kapitalin njerëzor – shtyllë e mbrojtjes.
Zëvendëskryeministri i parë Bojan Mariçiq theksoi se sot jemi të gjithë më të qetë sepse jemi anëtarë me të drejta të plota në aleancën ushtarako-politike më të avancuar dhe më të fuqishme mbrojtëse dhe se katër vjet më parë ne vulosëm garancitë për integritetin tonë territorial dhe sigurinë e qytetarëve. Suksesi i NATO-s, thekson ai, është një frymëzim për të vazhduar drejt BE-së.
“Është kështu sepse jemi mes demokratëve dhe demokracive, mes vizionarëve dhe sepse jemi këtu të gjithë për një dhe një për të gjithë – krah për krah me më të zhvilluarit në botë. Shumë shpejt pas anëtarësimit, ne patëm mundësinë të shohim se si duken alternativat për të konfirmuar se për ne nuk ka pasur dhe nuk do të ketë kurrë një alternativë tjetër dhe më të mirë. Pamjet e tmerrit në Ukrainë na tregojnë se anëtarësimi në NATO është qëllimi më i mirë që kemi arritur të sigurojmë për qytetarët tanë”, theksoi Mariçiç.
Ai tha se dëshmoi se çdo vendim i vështirë që na solli këtu ia vlente. Anëtarësimi në NATO, shtoi ai, është një privilegj, por edhe një detyrim si vend për të forcuar dhe kontribuar në sigurinë kolektive. NATO është aleanca më e fuqishme që ruan paqen e mbi një miliard qytetarëve me vlera demokratike.
“Ne jemi këtu dhe do të vazhdojmë të jemi këtu për Ukrainën për aq kohë sa të jetë e nevojshme”, theksoi Mariçiq.
Drejtori i Shtabit të Përgjithshëm të Armatës, gjenerali Simeon Trajkovski theksoi se sot është hera e parë që zyrtarisht festohet 28 Marsi – Dita e Shtabit të Përgjithshëm të Ushtrisë, kur zyrtarisht filloi funksionimi i Shtabit të Përgjithshëm.
“Fillimet ishin të vështira, u punua me shumë entuziazëm dhe patriotizëm për të filluar planifikimin e organizimit, menaxhimit dhe komandimit në kuadër të përmbushjes së detyrimit kushtetues të Ushtrisë për sigurimin e kufirit shtetëror dhe ruajtjen e tërësisë territoriale dhe sovranitetit të shtetit” , tha Trajkovski.
Sfida e re për ShP, siç tha ai, ndodhi në vitin 2020 kur integrimi i plotë në strukturën ushtarake të NATO-s u krye në vetëm 18 muaj.
“Të gjitha aktivitetet dhe të arriturat e Ushtrisë në 32 vitet e fundit janë dëshmi se Ushtria është në rrugën e duhur, e cila është përcaktuar qartë me Planin e Parë të Veprimit për anëtarësim në NATO”, thekson Trajkovski.
Në këtë aktivitet u promovuan edhe dy pulla postare të prodhuara me rastin e katër viteve të anëtarësimit në NATO dhe 75 vjetorit të themelimit të Aleancës.
Kujtojmë se Maqedonia e Veriut sot mbush plot 4 vjet që është pjesë e NATO-s. Më 27 Mars 2020,vendi zyrtarisht u bë anëtar i NATO-s, ndërsa më 30 mars, flamuri i Maqedonisë, si flamuri i vendit aleat të 30, u ngrit në selinë e NATO-s në Bruksel, përpara Komandës supreme të forcave aleate (SHAPE) – Komanda aleate për operacione në Mons, Belgjikë dhe Komanda aleate për transformime në Norfolk, Virxhinia, SHBA.