Hakerët kanë bërë publike të dhënat e vjedhura të Ndërmarrjes energjetike të Serbisë

Hakerët të cilët kohët e fundit çaktivizuan sistemin online të Energjisë Elektrike të Serbisë (EPS) dhe më pas kërkuan një lloj “shpërblimi” për të rikthyer të dhënat, lëshuan dje më shumë se 34 gigabajt të të dhënave të përdoruesve në internet dhe i bënë të disponueshme për shkarkim përmes blogut Qilin në rrjetin Onion Network, njoftoi Beta, transmeton Portalb.mk.

Në të njëjtën kohë, u bë e ditur se pjesa e dytë e bazës së të dhënave EPS do të publikohet të hënën, më 22 janar.

Linku që të çon në mundësinë e shkarkimit të të dhënave të publikuara deri më tani po përhapet në rrjetet sociale.

Nga rruga, grupi i hakerëve Qilin mori përgjegjësinë për sulmin ndaj Kompanisë Elektrike të Serbisë muajin e kaluar, raportoi forumi “Ballkani i sigurt”. Nëse institucioni nuk iu përgjigjet kërkesave, siç raportojnë mediat serbe, Qilin ka deklaruar se do të publikojnë të gjitha të dhënat që kanë marrë.

Sipas ekspertëve, Serbia është në grupin e 15 vendeve, institucioneve apo kompanive, që u vunë në shënjestër të këtij grupi, i cili së fundmi ka hakuar një gjigant ekonomik dhe sulmet e tij i fillojnë me dërgimin e emaileve “fishing”.