“Ekonomia e tretë” e Mickoskit në gjunj!

Shkruan: Mersel Bilalli

Pasja para mund të mos na bëjë të lumtur, por mos pasja para na bën fatkeq – thotë shkrimtari i famshëm Douglas Adams. Por paratë janë një shërbëtor i mirë, por një patron i tërbuar.

Një sondazh i botuar në gazetën spanjolle “Pais” thotë se Donald Trump është një kërcënim më i madh për paqen botërore sesa Putini. Kur u pyetën se cilët udhëheqës përbëjnë kërcënimin më të madh për paqen botërore – plot 81% thonë se është Trump, 79.3% Putin, 71.2% Netanyahu, 62/9% Mojtaba Khamenei, 62.2% Kim Jong Il. Sondazhi thotë se Trump po bëhet më konfuz për shkak të moshës (61%), dhe është interesante se 30 përqind e tyre ishin republikanë, raporton Reuters/Ipsos. Por, pas votimit, nuk ka keqardhje, por i ngjan një burgimi afatgjatë!

Tani, plot 52% e amerikanëve mbështesin shkarkimin e Trump, sipas Amendamentit-25-të, ose Impiçmentit që është larguar i presidentit nga detyra. Më shumë se 70 demokratë në Kongresin Amerikan po kërkojnë hapur aktivizimin e menjëhershëm të Amendamentit të 25-të të Kushtetutës Amerikane, i cili do t’i transferonte kompetencat zëvendëspresidentit. Shumë të anketuar besojnë se Trump po e “turpëron” SHBA-në. Një vend i fortë, por fati që zgjedhim i ndan letrat, kurse ne duhet t’i luajmë.

Amendamenti i 25-të i Kushtetutës Amerikane, i miratuar në vitin 1967, është një nga mekanizmat më të rëndësishëm për funksionimin e pushtetit ekzekutiv, sepse rregullon atë që ndodh kur presidenti nuk është në gjendje të kryejë detyrat e tij siç duhet. Amendamenti thotë se zëvendëspresidenti merr detyrën nëse presidenti kryen një krim, jep dorëheqjen ose është fizikisht ose mendërisht i paaftë të kryejë detyrat e tij. Kjo është e ndryshme nga mekanizmi i Impiçmentit, i cili është një ndëshkim për sjellje të paligjshme të presidentit.

Për shkak të “matematikës politike”, Amendamenti i 25-të nuk është përdorur kurrë më parë, por gjithmonë ka një herë të parë. Nëse Trump do ta mbajë kontrollin apo nëse presioni do të çojë në rrëzimin e tij mbetet një pyetje që do të marrë përgjigje në muajt në vijim në Uashington. Trump ka të drejtë të refuzojë vendimin e Amendamentit të 25-të, i cili do ta transferojë procesin në Kongres. Një shumicë prej dy të tretash në të dyja dhomat kërkohet për shkarkimin përfundimtar.

Sondazhet e fundit të opinionit publik tregojnë se 52 përqind e amerikanëve mbështesin shkarkimin, por qarqet politike po përmendin gjithnjë e më shumë Amendamentin e 25-të për të shkarkuar presidentin. Gjuha e Trump është gjithmonë më e shpejtë se mendimet e tij. Ai kërcënon, bërtet, mohon, urdhëron, sulmon, fyen… Ai do t’i dërgojë një mesazh Iranit – “Një qytetërim i tërë do të vdesë sonte”, dhe pastaj do të thotë – “Aktualisht kemi marrëdhënie shumë të mira me Iranin”! Në tre deklarata, katër kontradikta, po aq vetëmohime! Fyerje të rënda për Macron, Princin e Kurorës Mohammed bin Salman, Melonin dhe madje edhe Papën! Dhe nga të gjithë udhëheqësit e shteteve anëtare të BE-së, Meloni ishte e vetme e ftuar në ceremoninë e inaugurimit në Shtëpinë e Bardhë. Por Trump dëshiron miq që kanë veshë, por jo edhe gojë.

Dhjetë shkencëtarë të shquar janë zhdukur në SHBA!

Dhjetë shkencëtarë të shquar janë zhdukur në mënyrë misterioze. Trumpit i kërkohet llogari. Ai tha se do të përgjigjet në ditët në vijim. “Shpresoj të jetë rastësi, por do ta zbulojmë në 10 ditët e ardhshme”, u tha Trump gazetarëve në South Lawn. Ai fajësoi paraardhësin e tij, duke thënë: “Epo, Biden kishte kufij të hapur dhe nuk ishte aq e vështirë të arrije këtu”.

Midis të zhdukurve është Gjenerali Major i Forcave Ajrore në pension, William McCasland, i cili u zhduk nga shtëpia e tij në Albuquerque më 27 shkurt dhe mbante pozicione të larta në lidhje me eksplorimin dhe blerjen e hapësirës. Emri i tij u shfaq në një email të publikuar nga WikiLeaks nga John Podesta. Entuziast i UFO-ve Tom Longe pretendoi se i kishte folur atij për fenomene anomale të paidentifikuara. Gjenerali la telefonin, syzet dhe pajisjet personale në shtëpi, dhe portofoli, çizmet dhe revolveri i tij mungonin. Gruaja e tij mohoi publikisht teoritë e konspiracionit se ai kishte “ndonjë njohuri të veçantë për alienët”.

Interesante është se shkencëtarë të tjerë që u zhdukën në një periudhë relativisht të shkurtër kohore përfshinin: Melissa Casillas, e cila kishte qasje në informacione të klasifikuara në Laboratorin Kombëtar të Los Alamos; Anthony Chavez, një punonjës në pension në të njëjtin laborator; Jason Thomas, i cili drejtoi ekipin e biologjisë kimike në Novartis; Frank Maywald, një inxhinier në Laboratorin e Propulsionit me Avion të NASA-s; Nuno Loureiro, një fizikant i njohur në Institutin e Teknologjisë të Masaçusetsit i cili u qëllua dhjetorin e kaluar; Carl Grillmeyer, një studiues i ekzoplanetëve i cili u vra në shkurt; Steven Garcia, i cili punonte në siguri për prodhimin e komponentëve jo-bërthamorë për sistemin e armëve bërthamore të SHBA-së; dhe Monica Jacinto Reza, një inxhiniere hapësinore.

Sekretarja e shtypit e Shtëpisë së Bardhë, Carolyn Leavitt, u pyet gjatë një informimi në lidhje me shkencëtarët e zhdukur dhe raportet se ata “kishin qasje në materiale të klasifikuara bërthamore ose hapësinore”. “Nuk kam folur me agjencitë tona për këtë,” u përgjigj ajo. “Sigurisht që do të flas, dhe ne do t’ju japim një përgjigje. Nëse kjo është e vërtetë, sigurisht, kjo është diçka që mendoj se kjo qeveri dhe administratë do ta konsideronin të denjë për hetim.”

Supozohet se këto janë shërbime të huaja, sepse shkencëtarët dhe ekspertët që punojnë në fusha me rëndësi strategjike kanë qenë gjithmonë shënjestra të shërbimeve të inteligjencës së huaj, të cilat kërkojnë të marrin sekrete teknologjike dhe ushtarake, ose zhdukjet pa gjurmë të qarta mund të tregojnë përpjekje për të kompromentuar, rekrutuar ose eliminuar individë me qasje në të dhëna të ndjeshme.

Trump do ta shpërbëjë NATO-n?!

Trump filloi me 5% të PBB-së për NATO-n dhe përfundoj me 100% tërheqje nga NATO. Trump ka qenë kritik i ashpër ndaj NATO-s, sidomos pas takimit me Sekretarin e Përgjithshëm të Aleancës, Mark Rutte, duke deklaruar se NATO “nuk ishte aty” kur SHBA-të kishin nevojë për të, në lidhje me luftën në Iran. “Dhe nuk do të jetë aty as në të ardhmen”. Ai e krahasoi NATO-n me një “tigër letre”, duke thënë se aleanca nuk ka më forcën që kishte dikur. Ai kritikoi aleatët për mosndihmë në rihapjen e Ngushticës së Hormuzit, të cilën Irani e ka mbyllur në mënyrë efektive ndërsa lufta në Lindjen e Mesme vazhdon. Ai kritikoi veçanërisht Mbretërinë e Bashkuar, duke u tallur se ata ende “nuk kanë një marinë”!

Starmer iu përgjigj komenteve të Trump për NATO-n, duke thënë se aleanca është thelbësore për sigurinë e Perëndimit. “NATO është aleanca ushtarake më efektive që bota ka parë ndonjëherë. Na ka mbajtur të sigurt për dekada dhe ne jemi plotësisht të përkushtuar ndaj saj”, tha ai. Edhe Sekretari i Shtetit Rubio bëri një deklaratë – “Do të na duhet të rivlerësojmë anëtarësimin tonë në NATO”, duke kritikuar aleatët që as nuk lejuan përdorimin e bazave ushtarake amerikane në territoret e tyre,” tha Rubio. NATO pa SHBA ka një gjuhë që gjëmon, por me fuqi që pëshpërit.

“Ekonomia jonë e tretë” në gjunjë!

Ndërsa bota është vënë në një aparat frymëmarrjeje për sa i përket sigurisë dhe ekonomisë, ne po sillemi si ajo plaka ndërsa fshati po digjet. Goditja ekonomike ndaj “ekonomisë sonë të tretë” vjen nga një kombinim i tre faktorëve – energji e dobët, inflacion i lartë, rritje e dobët. Ekonomia globale po shkon drejt recesionit, sepse konflikti me Iranin nuk është më vetëm një çështje gjeopolitike, por një goditje rrufeje. Kryeministri na ofron bukë të thatë dhe lojëra, pa BE-në! Rrofshin të vdekurit edhe nëse vdesin të gjallët. S’ka një mundësi të tillë që nuk humbasin. Fitore e iluzionit mbi inteligjencën.

Për shumë ekonomi në Gjirin Persik, Evropë dhe Afrikë, lufta mund të ketë pasoja më të mëdha se lufta në Ukrainë dhe Kovidi. Tregjet globale të naftës dhe gazit janë në gjendje kome. Kryeministri Mickoski ka thënë vazhdimisht se ekonomia jonë është “e treta në Evropë për sa i përket rritjes së PBB-së”! Nëse analizojmë të dhënat nga bankat kombëtare në Ballkanin Perëndimor, Shqipëria, për shembull, shënoi një rritje prej 30% me një hyrje prej rreth 1.6 miliardë eurosh, ndërsa Kroacia ra me 37% ose 2.6 miliardë euro. Edhe ekonomitë më të vogla si Mali i Zi tregojnë një rritje të moderuar prej 8 përqind ose 531 milionë eurosh. Investimet u rritën në Slloveni me 19 përqind. Në Kosovë me 30 përqind ose 1.03 milionë euro. Serbia gjithashtu shënoi një rënie.

Në atë krahasim, Maqedonia, me rreth 468 milionë në tre tremujorët e parë dhe një rënie prej rreth 61%, pozicionohet si një nga ekonomitë më të dobëta në rajon në vitin 2025 – si në aspektin e dinamikës ashtu edhe të vëllimit. Në vend që të vazhdojë trendi nga viti rekord i vitit 2024, vërehet një rënie në vitin 2025, gjë që ngre pyetje në lidhje me qëndrueshmërinë e narrativës ekonomike dhe gjendjen reale të klimës së investimeve. Dhe tani këtu frika nga Jeta është më e madhe se frika nga vdekja, kurse grabitja e shekullit po na ndodh çdo muaj!