Më shumë votues të regjistruar në këto zgjedhje parlamentare në krahasim me ato të 2020 (Infografik)
Në Maqedoninë e Veriut sot mbahen zgjedhjet e njëmbëdhjeta parlamentare që nga pavarësimi i Maqedonisë së Veriut.
Portalb.mk, ju sjell statistika në lidhje me atë se sa ka qenë numri i votuesve të regjistruar në të gjitha zgjedhjet parlamentare deri më tani.
Sipas Komisionit Shtetëror të Zgjedhjeve në Maqedoninë e Veriut, në listën zgjedhore me të drejtë vote për zgjedhjet parlamentare janë regjistruar 1.815.350 votues.
Në krahasim me zgjedhjet parlamentare të vitit 2020, këtë vit kemi 1.087 votues më shumë.
Siç mund të shihet, numri më i vogël i votuesve, për herë të parë është shënuar pas instalimit të pluralizmit politik me ndryshimet kushtetuese të vitit 1989, kur u mundësua formimi i partive politike, dhe votuesit e Republikës së atëhershme Socialiste të Maqedonisë për herë të parë patën mundësi të votojnë në zgjedhjet shumë-partiake të vitit 1990 në koherencë me gjashtë republikat tjera në kuadër të Republikës Socialiste Federative të Jugosllavisë, atëherë kishte 1,339,021 votues të regjistruar.
Deri në mileniumin e ri, numri i votuesve është rritur për rreth 1/5, përkatësisht në zgjedhjet e vitit 2002 në total kishte 1,664,296 votues.