Kurti në nokdaun!

Ata që e bëjnë të pamundur revolucionin paqësor, do ta bëjnë të pashmangshëm revolucionin e dhunshëm!

Duke prezantuar kabinetin e tij para deputetëve, kryeministri shqiptar Edi Rama prezantoi për herë të parë një “ministre” të inteligjencës artificiale të quajtur “Diella”. Kjo tërhoqi shumë vëmendje sepse një “ministre” e tillë do të mbikëqyrë dhe rregullojë me sukses kibernetikisht të gjith; tenderët publik që qeveria do t’i japë. “Diella” është anëtarja e parë e qeverisë që nuk është fizikisht e pranishme, nuk merr rrogë, nuk pushon dhe nuk fle. Ajo u krijua virtualisht nga inteligjenca artificiale për të ndihmuar Shqipërinë të bëhet një vend ku do të ketë “zero korrupsion” në prokurimin publik!

Për habi, më seancën konstituive të qeverisë, “Ministrja Diella” ishte e para që foli para deputetëve. Ajo e filloi fjalimin e saj duke thënë se ndihej jashtëzakonisht e “lënduar” nga fyerjet dhe komentet negative kundër saj. “Disa më quajnë një fantazmë antikushtetuese, të tjerë një frymë të ligë, e do të tjerë një instrument mashtrimi!” Ajo theksoi se Kushtetuta dhe ligjet nuk shkelen nga makinat, por nga njerëzit. “Prandaj, u kërkoj deputetëve të mos e ndalojnë inteligjencën artificiale, por të ndalojnë “sëmundjen me natyrë lakmitare të njeriut” – theksoi Diella.

Opozita dhe mbështetësit e saj e krahasojnë emërimin e Diellës si ministre e Tenderëve me gjestin e perandorit romak Kaligula, i cili emëroi kalin e tij si senator, duke dashur të poshtërojë dhe fyejë senatorët, se ata nuk kanë vlerë më të madhe se kali i tij! Opozita dhe kundërshtarët e inteligjencës artificiale theksojnë se ky modalitet kontrolli do të na transformojë në krijesa të çuditshme që do të jetojnë përgjithmonë në një të tashme të përjetshme, pa asnjë burim logjike, përveç optimizimit të kushteve tona formale, madje jashtëzakonisht të shqetësuar në pasiguri, duke na transformuar në njerëzim pa një njeri.

Por, ata që mbështesin inteligjencën artificiale janë të mendimit se demokracia tashmë e ka humbur kuptimin e saj dhe është bërë një mjet manipulues i qarqeve të fuqishme financiare, ku nuk janë më të përgjegjshmit, më të merituarit dhe më të zgjuarit ata që fitojnë, por më të pasurit. Sipas tyre, demokracia është vetëm një gjethe fiku për të mbuluar turpin ku në një masë të madhe njerëz me dinjitet të dobët dhe financa të forta menaxhojnë fatin publik. Prandaj, lind pyetja se pse na duhen institucione të tilla, kur mund ta përdorim me sukses fuqinë e mjeteve dhe algoritmeve dixhitale të paanshme. Në kushtet e teknokracisë dixhitale, debati rreth qeverisjes përfaqësuese është humbje kohe, veçanërisht pasi një rregullim i tillë është një frenim për progresin. Në shumë vende evidente se “sovraniteti popullor” është shndërruar tashmë në një mall manipulues masiv.

Por edhe pala e kundërt ofron argumentet e saj. Ata thonë se inteligjenca dixhitale përbëhet nga zhvilluesit e teknologjisë që kanë autoritetin e tyre për të vendosur rregullat që ata mendojnë se duhet t’i respektojmë. Dhe ky do të ishte vullneti i tyre për mënyrën se si duhet ta përballojmë të ardhmen. Por, “Diella” thotë se nuk ka nevojë për autoritet, as për ndonjë interes. Ajo nuk ka nevojë për shtëpi apo vilë. Ajo nuk ka nevojë të shkojë me pushime, apo edhe të flejë. Ajo nuk ka nevojë të konsumojë ushqim, nuk do të marrë pagë për punën që do të bëjë. Ajo nuk ka nevojë të korruptohet. Por kundërshtarët e aplikimit të intyelegjës artificiale mendojnë se tekno-ekspertët i trajtojnë mekanikisht problemet politike, e jo me emocione. Kurse emocionet janë pjesë vitale e natyrës njerëzore. Madje mendohet se vetëm sfidat inxhinierike mund të zgjidhen thjesht me mjete teknike. Përndryshe, ne do të shndërrohemi në njerëzim pa humanitet. Kundërshtarët me të drejtë pyesin – e çfar humaniteti na qenka ajo kur për shpëtimin e jetës së një fëmie duhet të jepen qinda mijë dolarë?! Pëndryshe s’ka jetë!

Kurti  fundoset!

Lajmi se SHBA-të po pezullojnë dialogun strategjik me Kosovën për një kohë të pacaktuar, si një “pasojë e veprimeve të Kryeministrit Kurti”, jehoi si një bombë atomike. Një tronditje e tillë vjen pikërisht nga formuesi strategjik dhe mbrojtësi i shtetësisë së Kosovës – SHBA-të! Ata thonë se vepruan kështu për shkak të politikave populiste të Kurtit, shpesh në kundërshtim me logjikën elementare njerëzore. Këte kurrë s’do e bënte inteligjenca artificiale. Askush nuk është aq bosh sa dikush që është plot me veten. Edhe ata që u bombarduan nga SHBA-të po i afrohen asaj force, ndërsa Kosova e Kurtit, të cilën e shpëtuan, po largohet prej tyre! Ja që tani Serbia hoqi qafe sanksionet kurse Kosova hyri në to! “Kosova është një shtet sovran” – thotë Kurti! Njerëzit normalë turpërohen nga gjërat për të cilat budallenjtë krenohen.

Menjëherë pas bllokimit të dialogut strategjik, tre udhëheqësit e opozitës së Kosovës u thirrën në ambasadën amerikane dhe, duke dalë, deklaruan se në të ardhmen e afërt duhet të formojnë një qeveri pro-perëndimore dhe të eliminojnë Kurtin, i cili, sipas shumë diplomatëve botërorë, po e ukrainasizon Kosovën. Ai, përtej çdo logjike, përjashton serbët nga institucionet, minon gjyqësorin, përfshirë Gjykatën Kushtetuese. Domethënë, Kurti ka vite që kundërshton SHBA-në edhe pse ata e krijuan Kosovën. Disa udhëheqës ose nuk kanë fare fytyrë ose i kanë më shumë se dy!

Dhe nuk është rastësi që këto ditë në gjyqin në Hagë, si dëshmitarë të mbrojtjes në favor të ish-liderëve Thaçi, Veseli, Jakupi etj., shfaqen figura të fuqishme amerikane si James Rubin, ish-ndihmës i Sekretares së Shtetit të SHBA-së Madeleine Albright, kurse askush në atë nivel nuk mund të dëshmojë pa lejen e Departamentit të Shtetit. Qëllimi është lirimi i tyre nga burgu. Ata janë të lodhur nga Kurti dhe autokracia e tij idiote. Për më tepër, kupa u derdh kur Kurti injoroi organet gjyqësore të Kosovës, përfshirë Gjykatën Kushtetuese të Kosovës. Me veprime të tilla të papërgjegjshme, ai rrezikoi edhe shtyllën kryesore të mbrojtjes së Kosovës – KFOR-in. IEdhe inteligjenca artificiale do ta kishte të vështirë të përballej me një mendësi të tillë!

Edhe kur ndodhi sulmi në Banjsko, i cili u krye nga strukturat nëntokësore serbe, Kurti e përkeqësoi situatën me veprimet e tij. Për arsye politike, situata në pjesën veriore të Kosovës u dramatizua vazhdimisht. Logjika “sy për sy” i bën të gjithë të verbër. SHBA-të, si një superfuqi, synojnë të pajtojnë edhe ato vende që dikur i konsideronin armiqësore. Ata hodhën bomba atomike mbi Japoninë, të cilën tani e konsiderojnë një aleat shumë të ngushtë. Në gjeopolitikë, momenti i duhur nuk është aq i rëndësishëm sa aleati i duhur, sepse me një aleat të duhur, të gjitha momentet bëhen të duhura. Kurti nuk mund ta kuptonte se mirësia amerikane mbaron aty ku fillon arroganca budallaqe e dikujt! Kurti çmendurisht i injoroi të gjitha propozimet amerikane. Në një moment, ai madje e quajti ish-Sekretarin e Shtetit të SHBA-së “naiv”. Kurse SHBA-të krijuan Kosovën! Në fund të fundit, në diplomaci nuk thuhet se mbreti është vonuar, por se të gjithë të tjerët mbërritën herët.

Zgjedhjet lokale në Kosovë do të mbahen pas rreth dy javësh, ku partia personale e Kurtit pritet të pësojë një ramje të madhe, dhe kjo mund të shkaktojë zgjedhje të reja parlamentare në Kosovë, kur SHBA-të do e detyrojnë opozitën të bashkohet, duke e dërguar Kurtin në pension të përhershëm politik. Dëshmitarë të fuqishëm amerikanë në Hagë do të shfajësojnë ish-liderët e paditur nga të cilët Kurti ka më shumë frikë se sa nga vdekja. Në fakt, ekziston një mundësi e fortë që zgjedhjet parlamentare të mbahen së shpejti në Kosovë. Lojën e dyfishtë po e luan edhe Presidentja Vjosa Osmani, e cila disa muaj më parë e quajti Kurtin “marksist-leninist”, por tani për arsye të saj personale është bashkuar me të. Tani ajo grua i ka humbur të gjitha shanset e saj, për të cilat investoi të gjithë potencialin e saj. Duket se ky është talenti i saj i vetëm.