Fotografitë e “Putinit të rrëzuar në dysheme” janë krijuar nga inteligjenca artificiale
Pretendimi i disa përdoruesve të rrjetit social Facebook se Putini u rrëzua në Moskë është i rremë, gjë që mbështetet nga dy fotografi të tij të shtrirë në dysheme. Hulumtimi konfirmoi se një ngjarje e tillë nuk ka ndodhur, dhe fotografitë janë krijuar nga një aplikacion me ndihmën e inteligjencës artificiale, ku njihet edhe autori Misha Petrov, shkruan Vërtetëmatësi.
Po shqyrtojmë një postim të publikuar në rrjetin social Facebook ku thuhet:
“Sot në Moskë”.
Më pas shpërndahen dy fotografi të ndryshme nga këndvështrime të ndryshme që tregojnë Presidentin e Rusisë Vladimir Putin, në të cilën ai dyshohet se është i rrëzuar përtokë, pra ka rënë.
Në foton e parë, Putini shfaqet teksa dyshohet se ka rënë në krahun e tij, në një tapet të kuq në të verdhë dhe pas tij duken disa persona që qëndrojnë pranë. Në foton e dytë, Putin është gjithashtu në një pozicion të shtrirë, në një dysheme me një tapet krejtësisht të ndryshëm, vetëm me ngjyrë të kuqe, dhe sfondi i dyshemesë është gjithashtu i ndryshëm në të dyja fotot. Fotografia në rrjetet sociale në mbarë botën u shpërndanë në një sërë kontekstesh të ndryshme, por më e zakonshme ishte se “Vladimir Putin pësoi një atak në zemër në Moskë”.
Në fakt, këto janë foto të krijuara nga kompjuteri me inteligjencë artificiale (AI) dhe ngjarja dhe rëzimi i Putinit në dysheme nuk ka ndodhur. Mediat serioze dhe kryesore në mbarë botën nuk raportuan për humbjen e pretenduar të ekuilibrit të Putinit, por fotot u shpërndanë vetëm në rrjetet sociale. Nëse presidentit rus do t’i kishte ndodhur një gjendje më e rëndë shëndetësore, do të ishte pjesë e faqeve të para të mediave kryesore botërore, gjë që nuk ndodhi.
Kontrolluesit e fakteve të India Today thonë se fotot e shpërndara në postimin që po shqyrtojmë janë krijuar artificialisht dhe nuk janë reale.
Fotot janë të Misha Petrov dhe janë publikuar në Twitter
Fotografitë “Vërtetmatësi” i ka gjetur të shpërndara në postimin që po rishikojmë, të publikuara të plota në llogarinë e Misha Petrov në Twitter. Fotografitë janë të njëjta nga postimi që po shqyrtojmë dhe e shfaqin Putinin në dysheme, por edhe në këmbë, ndërsa autori Misha Petrov në komente sqaron se bëhet fjalë për fotografi të krijuara nga inteligjenca artificiale.
картинка сгенерирована искуственным интеллектом если что
— Миша Петров (@mishapetrof) March 22, 2023
Mediat e vendeve të tjera u abuzuan gjithashtu në Twitter, pasi faqet e tyre të para u fotoshopuan, pra u ndryshuan në mënyrë digjitale, për të treguar në mënyrë të rreme se fotot e “Putinit të rrëzuar” ishin në faqen e parë. I tillë është rasti me median The Moscow Times, artikulli i supozuar i së cilës qarkulloi në rrjetet sociale me foton e Putinit në të.
Megjithatë, edhe ky artikull i The Moscow Times është i rremë dhe është e lehtë të verifikohet se mban datën 12 maj 2023 dhe në faqen zyrtare të medias nuk ka fare një “lajm” të tillë që “Putinit i pësoi një sulm në zemër”.
Siç ka sqaruar autori i fotografive, Misha Petrov, ato janë krijuar me gjeneratorin Midjourney dhe me ndihmën e aplikacionit ka krijuar edhe fotografi të ngjashme se si “është arrestuar Putini”.
Për shkak të të gjitha fakteve të mësipërme, ne e vlerësojmë postimin që po shqyrtojmë si të pavërtetë. Fotografitë u krijuan nga inteligjenca artificiale dhe Putin nuk u rrëzua.