Lëvizja Besa me dy kongrese, ja datat (FOTO)

Partia opozitare shqiptare Lëvizja BESA ka publikuar edhe datën e mbajtjes së kongresit të partisë, ku shihet se kongresi i partisë do të mbahet në dy data, njëri më 18 shkurt e tjetri më 24 shkurt, raporton Portalb.mk.

Sipas informatave, më 18 shkurt kongres të partisë do të mbajë BESA e “Karemanit”, që ishin “kundër” që Bilall Kasami të jetë lideri i partisë deri në mbajtjen e kongresit, e kurse më 24 shkurt kongres do të mbajë BESA e “Kasamit” që janë “për” që Bilall Kasami të jetë lideri i partisë deri në mbajtjen e kongresit.

“Kongres i partisë, 24 shkurt 2018 në Holidej In në Shkup”, shkruan në njoftimin e Lëvizjes BESA që janë “për” që Bilall Kasami të jetë lider i partisë deri në mbajtjen e kongresit.

Image may contain: text

“Kongresi i parë i Lëvizjes BESA. Ideja vazhdon. Më 18.01.2018, në Pallatin e Kulturës në Tetovë”, thuhet në njoftimin e Lëvizjes BESA që janë “kundër” që Bilall Kasami të jetë lideri i partisë deri në mbajtjen e kongresit.

No automatic alt text available.

Në lidhje me njoftimin e dytë reagoi BESA “e Kasamit” të cilët thanë se kongresi i 24 shkurtit është kongresi i vetëm i partisë.

“Për hir të informimit të drejtë të opinionit publik e riktheksojmë që konform statutit dhe rregullores për Organizimin e Kongresit, Lëvizja Besa ka shpallur kongresin e saj më 24 shkurt 2018 dhe ky është kongresi i vetëm i partisë. Ndërsa ata që sot po mundohen të manipulojnë opinionin publik me slloganin “ideja vazhdon” e vulosën tradhëtinë që i bënë anëtarëve dhe simpatizantëve të Lëvizjes Besa dhe me këtë dëshmuan se ideja e tyre ka qenë e thjesht, se nëse nuk arrijnë ta uzurpojnë partinë, atëherë të mundohen ta shkatërojnë atë”, thuhet ndër të tjerash në reagimin e BESA-s së “Kasamit”.

Përndryshe, dy datat e kongresit vijnë pasi që partia shqiptare opozitare Lëvizja BESA është ndarë në dy grupe, njëri grup që është “kundër” që Kasami të jetë kryetar i partisë deri në mbajtjen e kongresit partiak në shkurt, që njihet si BESA e “Karemanit” dhe grupi tjetër, që është “për” Kasamin që të jetë lideri i partisë deri në mbajtjen e kongresit partiak që njihet si BESA e “Kasamit”.

Grupi i “Karemanit” e shkarkoi nga posti i kryetarit Bilall Kasamin dhe në vend të tij, si udhtrues detyre të kryetarit të partisë e vendosi deputetin e kësaj partie, Nexhbedin Karemani.

Ditë më parë në lidhje me këtë, BESA e “Kasamit” publikuan vendimin e Gjykatës Themelore Shkupi 2 në të cilën thuhet se refuzohet ankesa për të bërë lider të përkohshëm partie, Nexhbedin Karemanin.

Pas kësaj reaguan nga BESA e “Karemanit” duke thënë se kontesti për të fituar legalitetin e lëvizjes nuk ka përfunduar dhe se do të zgjidhet pas Kongresit të Lëvizjes Besa.

Kjo parti hapi edhe seli të reja, njëra u hap në Tetovë nga grupi i “Karemanit” dhe tjetra në Shkup nga grupi i “Kasamit”.

Përçarjet në BESA ndikuan edhe në grupin parlamentar të kësaj partie, grupi i “Karemanit” ka dy deputetë ndërsa grupi i “Kasamit” ka tre deputetë.

Prapaskenat e përçarjeve në BESA, çfarë ndodhi dhe kush e ka shumicën? (Dokumente)

Kongresi i parë i BESA-s: Dy lloje kumtesash, mbledhjesh të Këshillit, vendime për Bilall Kasamin e thyerje dyersh

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP