Flet Karemani për Portalb: Disa herë kërkuam përgjegjësi nga Kasami, u detyruam ta shkarkojmë

Në një deklaratë për Portalb.mk deputeti Nexhbedin Karemani reagoi pas pres konferencës për gazetarët të mbajtur sot në Tetovë në të cilin u kërkua që ai të respektojë, sipas tyre, kryetarin legjitim të Lëvizjes Besa, Bilall Kasamin.

Sipas tij, gjithçka ka filluar pas disfatës së Kasamit në zgjedhjet lokale të tetorit, kur kryesia ka filluar të kërkojë nga Kasami përgjegjësi për humbjen dhe ai nuk ka dashur të dorëhiqet.

“Kemi kërkuar dorëheqje nga ai disa herë por ai ka bllokuar të gjitha organet dhe sa herë që ka mbajtur këshilli mbledhje, katër mbledhje, kur ka ardhur në rend dite pika për dhënie të përgjegjësisë, ai e ka lëshuar mbledhjen, e ka prishur mbledhjen, nuk ka pranuar as në rend dite të jetë dorëheqja e tij. Ne kemi kërkuar përgjegjësi për humbjen, kush është përgjegjës, por ai nuk ka qëndruar në mbledhje sepse nuk ka dashur të jep dorëheqje. Ne vazhdimisht kemi kërkuar të shkarkojmë gjitha organet e kryesisë dhe në kongres të konkurrojë secili që dëshiron të jetë kryetar partie. Edhe Kasami mund të konkurrojë por paraprakisht të jep dorëheqje dhe më pas të konkurrojë dhe të votohet nga kryesia. Këtë Kasami nuk e ka pranuar duke këmbëngulur që vetëm ai të jetë kandidat për kryetar dhe më pas kryetar i partisë.” tha Karemani për Portalb.mk.

Prandaj ne u irrituam nga kjo sjellje dhe u detyruam ta shkarkojmë atë sepse ne kemi shumicën, shprehet ai.

“Ne e kemi numrin më të madh të këshilltarëve, nga 108, ne kemi 64 si dhe kryesia nga 18 anëtarë është me ne. Edhe kryesia edhe këshilli qëndron pas vendimit tonë, me dokumente dhe nënshkrime. Vulat i kemi edhe ne, sekretari gjeneral është me ne. “ u shpreh ai.

“Kasami disa ditë më parë shkarkoi tre anëtarët e kryesisë, dy nënkryetarë dhe sekretarin gjeneral. Madje ka mbledhur nënshkrime për të më shkarkuar mua, por shkarkimet nuk i bën kryetari por i bën këshilli organizativ si organ më i lartë. Këshilli e shkarkon kryetarin dhe e cakton atë. Ai ka bërë shkarkime jo-ligjore.” tha më tej Karemani.

Në pyetjen e Portalb.mk se a do ketë dy kongrese paralele, ai tha se “kemi caktuar kongresin me datë 24 shkurt. Më tej si do të zhvillohen procedurat do t’ju informojmë.”

Karemani gjithashtu tha se atë e ka zgjedhur populli dhe se vendin e tij si deputet nuk ia ka lënë Kasami nga “zemërgjërësia” por se sipas procedurave dhe ligjit, vendi i deputetit i takon tij sepse Kasami është tërhequr për të kandiduar për kryetar të komunës.

Dje u vendos që kryerës i detyrës lider i partisë dhe udhëheqës i Komisionit Organizativ të jetë deputeti Nexhbedin Kahremani.

Ndryshe, Bilall Kasami ka thënë se do të ofrojë dorëheqje nëse nuk i fiton zgjedhjet parlamentare të 11 dhjetorit në Debate zgjedhore 2016, në TV21.

Kronologjia e ngjarjeve: 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP