Votuesit do të mund të votojnë duke rrethuar një nga numrat rendorë përpara 17 listave të kandidatëve për deputetë. Lista e kandidatëve për deputetë ka Koalicioni për ardhme evropiane të udhëhequr nga LSDM, Koalicioni “Maqedonia juaj” e VMRO-DPMNE, Koalicioni i udhëhequr nga GROM, Koalicioni Fronti Evropian i BDI-së, partia politike e Majta, Koalicioni nga blloku opozitar shqiptar “Vlen” dhe parti të tjera, transmeton Portalb.mk.
Votimi zhvillohet në gjashtë zona dhe disa nga koalicionet dhe partitë kanë lista vetëm për zona të caktuara. Në zgjedhje janë 1755 kandidatë, nga të cilët 1002 janë meshkuj dhe 753 femra.
Kuvendi i Republikës së Maqedonisë së Veriut filloi seancën për zgjedhjen e qeverisë së re teknike e cila duhet të organizojë zgjedhjet e parakohshme parlamentare.
Në Kuvendin e Republikës së Maqedonisë së Veriut zgjidhen 120 deri në 123 deputetë, prej të cilëve 120 deputetë zgjidhen sipas modelit proporcional, ku territori i Republikës ndahet në gjashtë njësi zgjedhore. 20 deputetë zgjidhen në secilin dhe tre deputetë zgjidhen sipas modelit proporcional në një zonë zgjedhore që mbulon Evropën, Afrikën, Amerikën Veriore dhe Jugore, Australinë dhe Azinë. Në këto zgjedhje nuk ka votim në diasporë, kështu që numri i deputetëve që do të zgjidhen do të jetë 120.
Votimi si për zgjedhjet parlamentare ashtu edhe për raundin e dytë të zgjedhjeve presidenciale fillon në orën 07:00 dhe zgjat deri në orën 19:00. Gjatë ditës qytetarët do të mund të vijnë vetëm një herë në qendrën e votimit dhe të votojnë për të dyja llojet e zgjedhjeve ose vetëm për zgjedhjet presidenciale ose vetëm për ato parlamentare. Identifikimi i votuesve do të bëhet me të ashtuquajturat pajisjet e gjurmëve të gishtërinjve.
Ndryshe, një ditë para ditës së votimit për zgjedhjet e dyfishta, nesër të parët që do të ushtrojnë të drejtën e votës janë të sëmurët dhe të pafuqishmit, si dhe të burgosurit në INP në vend.
Komisioni Shtetëror i Zgjedhjeve (KSHZ) njofton për MIA-në se për zgjedhjet presidenciale janë regjistruar 11.123 persona të sëmurë dhe të pafuqishëm, ndërsa për zgjedhjet parlamentare ky numër është më i madh për 102 votues, përkatësisht do të votojnë 11.225 të sëmurë dhe të paaftë.
Kujtojmë se në rrethin e parë të zgjedhjeve presidenciale 2024 nga numri i përgjithshëm i votuesve 1.1814.317 votuan 867.000 qytetarë apo 49,94%, prej të cilëve numri i votave të vlefshme ishte 881.272 ndërsa vota të pavlefshme dolën 24.562. Në bazë të rezultateve të fundit, dallimi mes Bujar Osmanit dhe Arben Taravarit ishte mbi 37 mijë vota, ndërsa mes Siljana Davkovës dhe Stevo Pendarovskit ishte mbi 182 mijë vota.
Rrethi i dytë i zgjedhjeve presidenciale do të mbahet me 8 maj së bashku me zgjedhjet parlamentare.