Bomba 35: Kur Gruevski merr rolin e krye-arqitektit për milionat e “Shkupit 2014”

Redaksia Portalb 18:58, 29-05-2015

Nënkryetari i LSDM-së, Damjan Mançevski publikoi “bombën nr. 35”, sot në kampin protestues para objektit të Qeverisë. Në të dëgjohen urdhrat e kryeministrit Gruevski për stilin barok, për ballkonat e ndërtesave, për gjatësinë e ndërtesave, për shkallët, për rrethojat…për çdo aspekt të projektit kontrovers “Shkupi 2014”. Ai dëshiron që shuma e projektit mos të merret vesh sepse “shumë do të humb VMRO me këto” harhime.

Në përgjimet e bisedave ndërmjet kryeministrit Gruevski dhe ish-ministrit Janakievski, shihet se si objektet e afër gjysmës së ministrive janë duke funksionuar në mënyrë të “egër”.

Në këto materiale dëgjohet edhe zëri i kryeministrit i cili porosit për ndërtimin e objektit të MPJ-së të sigurohet një lëje e përkohshme.

Ndërkohë, Janakievski ia rikujton Gruevskit se gjysma e objekteve të administratës shtetëore, të Shkupit 2014 nuk janë në rregull në listat e kadastrit.

Në njërën prej bisedave dëgjohet se si shefi i Kabinetit në Kryeministrit, Martin Protugjer e porosit ish-ministrin e Lidhjeve, Mile Janakieski për ta krijuar një Disneyland në Shkup dhe për te hequr dorë nga ndërtimi i një Aqua Parku.

Janakieski planifikonte ndërtimin e një ndërtese 15 katëshe, ndërsa Gruevski thotë që kjo ndërtesë nuk mund të bëhet me stilin barok si dhe i jep leksione sse cili prej modeleve barok është i përshtatshëm.

Gruevski pranon se shteti nuk ka para, dhe në vend të mermerit që është përdorur për ndërtesat, të përdoret një llaç i veçantë.

Gjatë një bisede të realizuar në mes Kryeministrit Nikolla Gruevski, dhe shefen e grupit parlamentar të VMRO-DPMNE-së Silvana Boneva,Gruevski ka kërkuar që të mos flitet për shumën e harxhuar për Shkupin 2014.

“Silvana sot në seancën kuvendit ku do të ketë pyetje të deputetëve, nuk duhet të vjen Elizabeta Kançeska – Milevska sepse aty do ta pyesin për Shkupin 2014, dhe sa mjete janë harxhuar në atë. Për atë ma mirë mos të vije, sepse nëse flet për shuma, do të humbim shumë”, thotë Gruevski.

Kryeministri Nikolla Gruevski, i sygjeron Janakieskit që autobusët e Shkupit duhet të kenë televizion, radio si dhe ngjyrë portokalle.

“Mile deri ku janë autobusët, mendoj se duhet të kenë televizion, radio, muzikë, kamera, si
dhe a mendon se mund të jenë në glyrën portokall, që do të simbolizonte kohën kur i kemi
porositë”, tha Gruevski.
_________________________________________________

Lexo më shumë:

BOMBA 1: Gruevski ka përgjuar edhe Ali Ahmetin, Rufi Osmanin dhe Menduh Thaçin (VIDEO)

BOMBA 2: VMRO- DPMNE dhe BDI kanë montuar vendime gjyqësore (VIDEO)

BOMBA 3: Latas, Mijallkov dhe policia montuan burgosjen e Lube Boshkovskit (AUDIO)

BOMBA 4: Gazetarët nën “tytën” e Mijallkov dhe bandës qeveritare (VIDEO)

BOMBA 5: Plani i Gruevskit për hakmarrje ndaj Canoskit, rrëzim ndërtese.. (VIDEO)

BOMBA 6: Gruevski si i çmendur dhe në mënyrë antiligjore harxhon paratë e kredive dhe të shtetit (VIDEO)

BOMBA 7: Zaev zbardh manipulimet dhe shantazhet e Qeverisë gjatë zgjedhjeve (VIDEO)

BOMBA 8: Ja se çfarë bëri VMRO për ti fituar zgjedhjet (VIDEO)

BOMBA 9: Planet e VMRO-së për bllokimin e Zhernovskit (VIDEO)

BOMBA 10: Lakmitë e Gruevskit për posedime personale (VIDEO)

BOMBA 11: Pushteti vjedh votat, malltreton dhe reketon në qytetin e Zaevit (Audio)