Në Maqedoninë e Veriut sot mbahen zgjedhje të dyfishta, rrethi i dytë i zgjedhjeve të shtata presidenciale dhe zgjedhjet e njëmbëdhjeta parlamentare që nga pavarësia e vendit. Portalb.mk ju sjell daljen e votuesve deri në ora 13:00 në krahasim me zgjedhjet e fundit.
Në zgjedhjet parlamentare, deri në orën 13:00 kanë votuar 312 070 votues, gjegjësisht 25.84 %. Për krahasim, në zgjedhjet parlamentare të vitit 2020, deri në këtë orë kanë votuar 432.026 votues, gjegjësisht 23.81 %. Dallimi në krahasim me zgjedhjet e 2020 është 2.03% më shumë votues.
Në zgjedhjet presidenciale, në rrethin e dytë deri në orën 13:00 kanë votuar 302.158 votues, gjegjësisht 23.95% e votuesve.
Për krahasim, në rrethin e parë deri në orën 13:00 kanë votuar 417.970 votues, gjegjësisht 26,35 %. Ndërkaq, në rrethin e dytë zgjedhjeve presidenciale të vitit 2019-të, deri në këtë orë kanë votuar 367.892 votues, gjegjësisht 20.73 %,
Dallimi në krahasim me vitin 2019 është 3.22 % votues më pak ndërkaq me rrethin e parë të këtij viti është 2.04% më pak.
Më poshtë mund të shihni infografikun për daljen e votuesve, të dhënat janë nga Komisioni Shtetëror i Zgjedhjeve.