Policia në Terovëka ndaluar një drejtues automjeti për shkelje të rënda të rregullave të qarkullimit rrugor. Gjatë kontrollit, atij iu sekuestruan targat, të cilat i kishte ngjyrosur me ngjyrë të kuqe, ndërsa rasti po dokumentohet për procedura të mëtejshme ligjore, transmeton Portalb.mk.
“Më 25.09.2025 në orën 16:40, për shkak kryerjes së kundërvajtjeve në komunikacion sipas nenit 139, pika 11, nenit 36, pika 5 të Ligjit për Automjete dhe nenit 225, pika 9 të Ligjit për Sigurinë në Komunikacionin Rrugor, nëpunës policorë nga Njësia Policore Tearcë ndaluan R.L. (56) nga Tetova, i cili po drejtonte një automjet pasagjerësh ,,Mercedes” me targa të Tetovës. Atij iu sekuestruan targat e ndryshuara dhe sinjalet e vëna ndriçuese – flesherët, ndërsa pas dokumentimit të rastit, do t’i përgatiten parashtresa përkatëse”, thuhet në njoftimin e MPB-së.
Kujtojmë se në Maqedoninë e Veriut ka hyrë në fuqi procedura për zbatimin e targave të kuqe dhe të verdha në veturat zyrtare. Masa mbulon të gjitha automjetet në pronësi të shtetit – automjetet qeveritare, automjetet komunale, automjetet e ndërmarrjeve publike. Me ndryshimet në rregullore, ato për qëllime specifike, siç janë disa nga automjetet e Agjencisë së Sigurisë Kombëtare (ASK) dhe disa nga automjetet e Ministrisë së Brendshme, përjashtohen nga detyrimi për të ndryshuar targat.