Zjarri në Tetovë, 3 ditë zie dhe ndihmë financiare nga qeveria dhe komuna për familjen Zilbehari (VIDEO)

Këshilli i Komunës së Tetovës me vendim unanim shpalli 3 ditë zie me rastin e tragjedisë së djeshme që ndodhi në këtë qytet, ku gjatë një zjarri humbën jetën nëna me katër fëmijët e saj, njofton Portalb.mk.

Këshilli i Tetovës, gjithashtu ka vendosur që nga mjetet rezerve të Komunës, familjes Zilbehari t’i ndajë ndihmë financiare me vlerë prej 2 milionë denarëve.

Përpara mbledhjes fjalim kanë mbajtur komandanti i Zjarrfikësve, Ukë Aliti, i cili rrëfeu rastin e djeshëm tragjik, por edhe kryetarja e Komunës së Tetovës, Teuta Arifi, i cili ka shprehur ngushëllime për jetët e humbura.

“Sot ndaj një dhimbje një emocion i cili nuk kapërdihet lehtë, si nënë dhe bashkëshorte dhe si e para në mes të barabartë në mes të qytetit tim për të thënë disa fjalë ku mes dhimbjes edhe fjalët janë të tepërta. Dje jo të gjithë mes nesh e panë dhe e shijuan agimin e mëngjesit, ajo që dukej si një ditë plot me diell, ngriu zemrat e çdo tetovarit, i cili u zgjua në kureshtjen tipike dhe humane duke pyetur veten se ku nisem dhe për ku shkoj sot. Në rastet kur ndalon së rrahuri zemra e njeriut, Zoti çdoherë e merr drejtimin në duart e tija, është një rrugë të cilën rrallë herë e mendojnë, por së cilës shpesh herë duhet t’i referohemi, sa herë ndihemi të humbur, si robër të dëshirave. Shpreh ngushëllimin e thellë për familjet, të cilët përveç shtëpive, në këtë tragjedi humbën edhe të afërmit e tyre, ndjejmë dhimbjen e familjes Zilbehari e cila dje humbi 5 anëtarë dhe u shua një nënë bashkë me 4 fëmijët e saj”, tha Arifi.

Varrimi i trupave të pajetë u bë sot pas namazit të drekës.

U varrosen pesë personat që ndërruan jetë dje në Tetovë si pasojë e zjarrit (VIDEO)

Nga Komuna gjithashtu, dje njoftuan se janë kujdesur për t’i strehuar familjet viktimë si dhe shprehin ngushëllime për humjen e të afërme të tyre.

“Komuna e Tetovës gjithashtu është kujdesur për të strehuar familjet, të cilat përveç familjarëve humbën edhe shtëpitë e tyre gjatë zjarrit. Komuna e Tetovës shpreh ngushëllim dhe keqardhje të thellë deri tek familjarët për humbjen e madhe, dhe ashtu si çdoherë deri më tani do të ndihmojë me të gjitha kapacitetet e nevojshme materiale dhe njerëzore banorët e goditur nga kjo tragjedi”, u tha në kumtesë për media.

Rasti tragjik ka ndodhur dje në orët e hershme të mëngjesit, në lagjen Kolltuk të Tetovës gjegjësisht në rrugën Goce Delçev nr.185, ka shpërthyer zjarr i cili ka kapluar 3 shtëpi. Njësia Territoriale kundër zjarrit menjëherë pas paraqitjes së rastit ka intervenuar në vendngjarje me 13 zjarrfikës shpëtimtarë dhe 4 automjete, me ç’rast është parandaluar përhapja e e zjarrit edhe në shtëpitë tjera përreth.

Si pasojë e zjarrit në njërën prej shtëpive kanë humbur jetën nëna dhe 4 fëmijët e saj, dhe është shkaktuar dëm i konsiderueshëm material.

Nëna me 4 fëmijë humb jetën në një zjarr në Tetovë (FOTO+VIDEO)

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP