Ministria e Kulturës dhe Turizmit ka publikuar fituesit e Çmimit shtetëror “11 Tetori” për vitin 2026, ku në mesin e fituesve është edhe profesoresha universitare Gjulumsere Kasapi, transmeton Portalb.mk.
Ky çmim është mirënjohja më e lartë shtetërore për vepër jetësore në fushën e shkencës, artit, ekonomisë dhe veprimtarive të tjera me interes publik në Maqedoninë e Veriut.
Në fushën e kulturës dhe artit, çmimi i ndahet shkrimtarit Venko Andonovski, ndërsa në fushën e shkencës dhe arsimit do të nderohen gjuhëtari Dimitar Pandev, profesoresha universitare Gjulumsere Kasapi dhe Vllado Popovski, doktor i shkencave historike, politike dhe juridike.
Ceremonia e dorëzimit të çmimeve do të mbahet më 11 tetor, në orën 12, në Kuvendin e Republikës së Maqedonisë së Veriut.