Presidentja e Maqedonisë së Veriut, Gordana Siljanovska – Davkova theksoi gjithashtu nevojën për një dialog substancial midis Bashkimit Evropian dhe vendeve kandidate, në të cilin të dyja palët do të kenë mundësinë të paraqesin argumentet e tyre, raporton 360shkallë, përcjell Portalb.mk.
Vullneti politik, siç thotë ajo, nuk duhet të pritet vazhdimisht vetëm nga vendet kandidate, por duhet të demonstrohet edhe nga BE-ja, veçanërisht duke gjetur zgjidhje krijuese për të kapërcyer ngërçin e gjatë. Në takimin me Kopman, ajo theksoi nevojën për të rishikuar instrumentet institucionale dhe ligjore të Bashkimit Evropian, me qëllim përcaktimin e hapave specifikë për të çuar përpara procesin bazuar në reformat e zbatuara dhe kriteret e përmbushura, pavarësisht bllokadave dypalëshe nga vendet anëtare.
Maqedonia pret trajtim të barabartë me vendet e tjera kandidate për anëtarësim në Bashkimin Evropian, bazuar në zbatimin e të njëjtave rregulla dhe standarde, theksoi Presidentja Gordana Siljanovska-Davkova, e cila mori pjesë sot në Bruksel në Samitin e Zgjerimit të BE-së, të organizuar nga Euronews.Në një postim në Facebook, Siljanovska-Davkova theksoi se në samit ajo theksoi nevojën për një dialog thelbësor midis Bashkimit Evropian dhe vendeve kandidate, në të cilin të dyja palët do të kenë mundësinë të paraqesin argumentet e tyre.
Kujtojmë se takimi në tetor midis ministrave të jashtëm të Maqedonisë së Veriut dhe Bullgarisë nuk solli ndonjë rezultat konkret sa i përket rrugës së RMV-së drejt Bashkimit Evropian. Ministri i Jashtëm i vendit, Timço Mucunski tha se pozicionet e Shkupit dhe Sofjes mbeten dukshëm larg njëra-tjetrës, ndërsa nga Bullgaria njoftuan se i kanë kërkuar Maqedonisë së Veriut të tregojë se kur planifikon t’i bëjë ndryshimet kushtetuese.
Maqedonia e Veriut duhet t’i bëjë ndryshimet kushtetuese për të vazhduar rrugën drejt BE-së. Ndryshimi kushtetutës përfshin shtimin e bullgarëve dhe etnive tjera në Kushtetutë.
Kjo vjen si rezultat i asaj që Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare, pas miratimit të propozimit francez të cilin Maqedonia e Veriut e miratoi më 16 korrik 2022.
Propozimi atë kohë u votua në parlament pa pjesëmarrjen e opozitës së atëhershme e cila tani është në pushtet.
Ndryshimi i Kushtetutës kërkon shumicë prej dy të tretash. Negociatat me BE-në nuk do të fillojnë derisa të bëhen ndryshimet kushtetuese.
- LEXO: Sali në takim me komisioneren Kos: Integrimi gradual duhet të sjellë përfitime konkrete për qytetarët
- LEXO: “E palogjikshme” për Shkupin që BE-ja e ka përjashtuar nga plani: Edhe reforma, por edhe ndryshime kushtetuese
- LEXO: Asnjë përparim në rrugën drejt BE-së, Petrova i kërkoi Mucunskit afat kohor se kur vendi do t’i bëjë ndryshimet kushtetuese
- LEXO: “E palogjikshme” për Shkupin që BE-ja e ka përjashtuar nga plani: Edhe reforma, por edhe ndryshime kushtetuese