Në Maqedoninë e Veriut gjatë tremujorit të dytë është regjistruar rritje e prodhimit të produkteve pyjore dhe produkteve të shitura, krahasuar me periudhën e njëjtë të vitit të kaluar, transmeton Portalb.mk.
“Prodhimi total i produkteve pyjore në pyjet shtetërore në tremujorin e dytë të vitit 2025 është rritur për 10.7% krahasuar me tremujorin e dytë të vitit 2024”, raportoi Enti Shtetëror i Statistikave, duke arritur në 111 mijë metra kub, 78 mijë e tyre dru për zjarr.
Në të njëjtën kohë, për 18.5 përqind është rritur sasia e drurit që është shitur, duke arritur 97 mijë metra kub. Më së shumti është shitur druri për zjarr, 72 mijë metra kub.