Në Gjykatën e Apelit do të mbahet seancë publike për ankesat e deputetit, Sasho Vasillevski

Në Gjykatën e Apelit për sot në orën 12 e 30 është caktuar seancë publike ku do të diskutohet për ankesat e paraburgimit të vazhduar për deputetin, Sasho Vasillevski, njofton Portalb.mk.

Vasillevski është i dyshuar se së bashku me disa deputet tjerë i ka hapur dyert e Kuvendit të Republikës së Maqedonisë me 27-prill kur ndodhi sulmi ndaj gazetarëve dhe deputetëve.

Dje në Gjykatë u shqyrtuan edhe ankesat për paraburgimin e vazhduar për ish-ministrin e Punëve të Brendshme, Mitko Çavkov, ish-drejtorit të Operës dhe baletit maqedonas, Igor Durllovskin si dhe për ankesat Munir Peliq nga Agjencia për kundërzbulim dhe Dushko Lazarov, shefi i operacioneve speciale në MPB.

Gjatë ditës pritet që të sillen edhe vendimet e ankesave nga gjykata.

Përndryshe, për vazhdimin e paraburgimit për të dyshuarit e 27-prillit janë dorëzuar 16 ankesa në Gjykatën e Apelit.

LEXO: Video ekskluzive – deputetët e VMRO-DPMNE-së ua kanë hapur dyert huliganëve në Kuvend

Ndryshe, Këshilli Penal i Gjykatës Themelore Shkupi 1 më 27 dhjetor, ua vazhdoi masën për paraburgim 29 personave në lidhje me ngjarjet e 27-prillit në Kuvendin e Republikës së Maqedonisë. 23 personave u është vazhduar masa 30-ditë paraburgim, katër personave u është vazhduar masa  arrestit shtëpiak, ndërsa dy të akuzuarve masa e paraburgimit u është ndërruar me arrest shtëpiak.

Për L.D., J.T., Zh.P dhe S.M, siç është theksuar, është pranuar masa për vazhdimin e masës për arrest shtëpiak.

Për S.M dhe M.M është pranuar propozimi i Prokurorisë për heqjen e masës së paraburgimit dhe u është përcaktuar masë me arrest shtëpiak.

Kundër vendimeve është e lejuar të ankohen në Gjykatën e Apelit në afat prej 48 orëve pas marrjes së vendimit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP