Vazhdohet masa e paraburgimit për tenorin Igor Durlovski për ngjarjet e 27-prillit

Tenori maqedonas, Igor Durllovski sot u paraqit në Gjykatën e Apelit ku në seancë publike u diskutua për ankesën e mbrojtjes së tij që t’i hiqet masa e paraburgimit, njofton Portalb.mk.

Avokati Elenko Milanov tha se i dyshuari nuk ka ftuar për dhunë në Kuvend dhe nuk i ka drejtuar të pranishmit në sallë. Prokurorja e Prokurorisë së Lartë Publike tha se kërkon që masa e paraburgimit të mbetet sepse Durllovski ka qenë në shtëpinë ligjvënëse gjatë kohës së ngjarjeve me 27-prill të vitit të kaluar.

Vendimi i gjykatës do të publikohet këto ditë. Në seancë ishte e pranishme edhe bashkëshortja e tij, Ana Durllovska e cila kishte veshur një bluzë “Drejtësi për Igorin”.

Përndryshe, për vazhdimin e paraburgimit për të dyshuarit e 27-prillit janë dorëzuar 16 ankesa në Gjykatën e Apelit.

Ndryshe, Këshilli Penal i Gjykatës Themelore Shkupi 1 më 27 dhjetor, ua vazhdoi masën për paraburgim 29 personave në lidhje me ngjarjet e 27-prillit në Kuvendin e Republikës së Maqedonisë. 23 personave u është vazhduar masa 30-ditë paraburgim, katër personave u është vazhduar masa  arrestit shtëpiak, ndërsa dy të akuzuarve masa e paraburgimit u është ndërruar me arrest shtëpiak.

Për L.D., J.T., Zh.P dhe S.M, siç është theksuar, është pranuar masa për vazhdimin e masës për arrest shtëpiak.

Për S.M dhe M.M është pranuar propozimi i Prokurorisë për heqjen e masës së paraburgimit dhe u është përcaktuar masë me arrest shtëpiak.

Kundër vendimeve është e lejuar të ankohen në Gjykatën e Apelit në afat prej 48 orëve pas marrjes së vendimit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP