Maqedonia në heshtje zgjedhore, votuan të sëmurit, personat e pafuqishëm, të burgosurit dhe ata në paraburgim
Sot në Maqedoni ka heshtje zgjedhore e cila do të zgjasë deri në mbylljen e kutive zgjedhore të dielën në ora 19. Sot votuan të sëmurit dhe personat e pafuqishëm, të burgosurit dhe personat në paraburgim. Sipas informatave të KSHZ-së, në këto 35 komuna ku zbatohet rrethi i dytë i zgjedhjeve për kryetarë të komunave, për votim u paraqitën 1.435 persona të sëmurë dhe të pafuqishëm, njofton Portalb.mk.
Të drejtë vote kishin edhe 939 të burgosur që votojnë në 13 institucione ndëshkuese përmirësuese.
Duke pasur parasysh se Lista zgjedhore për këto zgjedhje lokale është mbyllur para mbajtjes së zgjedhjeve, personat që nuk kanë qenë në çertifikatat nga Lista zgjedhore në rrethin e parë më 15 tetor, edhe të shtunën edhe të dielën nuk mund ta shfrytëzojnë të drejtën për votim.
Sipas Udhëzimit të KSHZ-së, procedura dhe mënyra e votimit është e njëjtë si edhe deri tani, por e ndryshme është ajo se në këto 35 komuna do të votohet vetëm në një fletvotim.
Rezultatet nga votimi KSHZ-ja në vazhdimësi do t’i publikojë në ueb faqen e saj.
Këto janë zgjedhjet e gjashta lokale në Maqedoni.
- LEXO: Të gjitha zyrat e Avokatit të Popullit të dielën janë të hapura për qytetarët
- LEXO: Në rrethin e dytë do të zgjedhet mes 70 kandidatëve për kryetarë të komunave
- LEXO: Për raundin e dytë të zgjedhjeve lokale janë akredituar 5.101 vëzhgues të huaj dhe vendor
- LEXO: ASHMAA: Nga mesnata mediat nuk guxojnë të emetojnë kurrfarë prezantimi zgjedhor
