Maqedoni, javë e nxehtë politike, pritet marrëveshje për zgjedhjet
Pritet që këtë javë me gjasë të arrijnë marrëveshje përfundimtare partitë politike nënshkruese të Marrëveshjes së Përzhinës, në lidhje me formimin e Qeverisë kalimtare dhe përgatitjen e zgjedhjeve të parakohshme parlamentare në Maqedoni, njofton Portalb.mk.
Nga opozitarja maqedonase LSDM thonë se pozita e tyre mbetet e pandryshuar dhe se ende nuk dinë a do të realizojnë nesër takim me përfaqësuesit e tjerë politik si dhe me ata ndërkombëtarë.
“Mbetet e njëjtë pozita e LSDM, e pandryshuar. Presim të kemi më shumë informata nga ana e partnerëve ndërkombëtarë a do të vazhdojmë bisedimet nesër. Shpresoj të arrijmë marrëveshje pas vetëdijesimit të pjesëmarrësve të tjerë në këtë proces, posaçërisht nga ata të VMRO-DPMNE-së” tha sot Ljupçо Nikollovski, anëtar i bordit ekzekutiv të LSDM-së, njofton Portalb.mk.
Ai shtoi se janë duke rrjedhur konsultimet brenda-partiak dhe nuk deshi të komentojë më tej se ku kanë ngecur bisedimet mes-partiake të javës së kaluar.
Shkup, nuk ka marrëveshje mes partive, vetëm një çështje shkakton mospajtim
Vetëm një çështje i ka ndarë partitë politike të Maqedonisë për të arritur marrëveshje në Përzhinë. Këtë e bëri të ditur Ambasadori i BE-së Aivo Orav për mediat të enjten një orë pas mesnatës, pas bisedimeve maratonike që patën zhvilluar katër përfaqësuesit e partive nënshkruese të Marrëveshjes së Përzhinës, njofton Portalb.mk.
Edhe pse marrëveshje nuk ka, Orav bëri me dije se partitë kanë rënë dakord për gjitha çështjet e tjera të hapura dhe kjo paraqet përparim të madh.
“Ështe bërë një punë e rëndësishme përpara për të gjitha çështjet e hapura përvec se për një. Shpresoj që bisedimet do të vazhdojnë sa më shpejte që është e mundur”, tha Aivo Orav.
Edhe pse partitë heshtin, mediat e vendit thonë se pika për të cilën nuk janë marrë vesh partitë është përcaktimi i ingerencave dhe kuadrove në Ministrinë e Punëve të Brendshme.
Problemi qëndron në atë se LSDM kërkon tërheqje të Ligjit të ri për MPB ose implementim të më vonshëm të tij, ndërsa VMRO-DPMNE nuk pajtohet. Kjo parti do të ishte pajtuar sikur të mund të caktojnë me marrëveshje numër fiks të ndryshimeve në kuadro të cilat mund ti bëjë ministri i ri teknik që do të kishte ardhur në atë funksion 100 ditë para zgjedhjeve, njofton Portalb.mk.
Partitë janë marrë vesh për Qeveri teknike funksionale 100 ditë para zgjedhjeve, nga gushti, ndërsa zgjedhjet do të ishin mbajtur në nëntor.
Negociata të reja mes partive do të ketë vetëm nëse donjëra parti ka propozim të ri në lidhje me këtë çështje.
LEXO: Komisioni Evropian: Është e nevojshme urgjentisht të arrihet marrëveshje
