Në mbledhjen e mbajtur sot, Shoqata e Gazetarëve të Maqedonisë (SHGM) ka miratuar Deklaratën për Mbrojtjen dhe Parandalimin e Gazetarisë Profesionale, transmeton Portalb.mk.
“Me këtë deklaratë, SHGM bëri thirrje publike ndaj aktorëve politikë, institucioneve dhe publikut për respektimin e lirisë së mediave dhe rolit të gazetarëve”, njoftuan nga SHGM-ja, duke shtuar se “çdo presion ndaj mediave përbën kërcënim për proceset demokratike”.
Zgjedhjet e ardhshme lokale, ishin një nga çështjet që u diskutuan në këtë mbledhje, duke theksuar rëndësinë e gazetarisë së pavarur.
“Në vitin 2024 u raportuan katër sulme fizike ndaj gazetarëve, ndërsa SHGM siguroi ndihmë juridike falas në 66 raste dhe mbështetje psikologjike në 11 raste”, raportoi Shoqata.