Shoqata e Gazetarëve të Maqedonisë së Veriut (SHGM) kërkoi që të ndalen grindjet partiake në të cilat përdoren emrat dhe qëndrimet e gazetarëve, pasi kjo praktikë është e papranueshme dhe e dëmshme për të gjithë hapësirën mediatike, transmeton Portalb.mk.
“SHGM apelon që zyrtarët publikë që të përmbahen nga deklaratat që mund të interpretohen si etiketim apo diskreditim të gazetarëve. Veprime të tilla nuk janë në frymën e vlerave demokratike dhe kërcënojnë cilësinë e debatit publik”, thonë nga SHGM.
Ata shtojnë se nëse kanë shqetësime për përmbajtje të caktuara mediatike, politikanët mund të paraqesin ankesë tek organet përkatëse vetërregulluese, si Këshilli i Nderit në SHGM ose Këshilli për Etikë në Mediat e Maqedonisë (KEMM).
SHGM: Dënojmë fushatën e njollosjes së mediave të pavarura dhe kërcënimet ndaj gazetarëve në RMV