Qeveria ka lidhur kontratë në vlerë prej 1.7 milionë euro për hartimin dhe realizimin e përfaqësimit të Maqedonisë së Veriut në panairin EKSPO 2027 që do të mbahet në Beograd, raporton SDK, përcjell Portalb.mk.
Kontrata është lidhur mes Qeverisë së RMV-së dhe shoqatën për kulturë, zhvillim ekonomik dhe rrjetëzim “Dhoma Publike” në Shkup, me përfaqësues Aleksandar Velinovskin.
Kontrata është nënshkruar më 9 korrik, me vlerë 106 044 240 denarë, ose 1 724 297 euro, nënshkruar nga sekretari gjeneral Igor Janushev.
Kjo shoqatë menaxhon edhe hapësirën gastronomike në qendër të Shkupit “Dhoma Publike”, ku ndër të tjera realizohet edhe manifestimit “Java e dizajnit”.
“Dhoma publike” për 30 muaj duhet të përgatitë të gjitha gjërat për Maqedoninë e Veriut në EKSPO 2027, duke filluar nga logo përfaqësuese e deri marketingu në Serbi, hapjet solemne, programin kulturorë dhe videodokumentarët.
EKSPO 2027 do të mbahet prej 15 majit e deri më 15 gusht në vitin 2027. Aty pritet pjesëmarrja e 117 vendeve dhe katër milionë vizitorëve.