“Miku i mirë i Viktor Orban, maqedonasi i dënuar Nikola Gruevski, i cili iku në Hungari në vitin 2018 dhe mori azil, filloi biznesin e tij në verën e vitit 2021 dhe themeloi një kompani konsulence me emrin I.C.I.C Kf.”, raporotn Alsat. Kështu e fillon portali hungarez “444” historinë për kompaninë e ish-kryeministrit Nikola Gruevski në Hungari. Sipas portalit, është një mini-biznes, pasi nuk ka punonjës. Pavarësisht faktit se nuk është rritur fare në 5 vitet e fundit, asgjë nuk kërcënon stabilitetin e tij, analizon portali.
Raportet vjetore sugjerojnë se Gruevski mund të ketë një klient fiks që e paguan çdo vit për këshillat e tij.
Vitin e kaluar, kompania pati të ardhura prej 9,600 eurosh, kurse një vit më parë rreth 11,600 euro. Që nga themelimi i saj në vitin 2021, nga llogaria e kompanisë Gruevski ka tërhequr rreth 45 mijë euro. Portali shkruan se deri më sot nuk dihet me kë kishte marrëdhënie biznesi ish-kryeministri i dënuar. E tëra që dihet është se ai kishte marrëdhënie veçanërisht të mira me Orban, siç kishte edhe me ish-Ministrin e Punëve të Jashtme dhe Tregtisë, Peter Sijarto. Ky i fundit e priste rregullisht Gruevskin në zyrën e tij për të kërkuar këshilla mbi çështjet që lidhen me Ballkanin Perëndimor. Sipas Sijartos, ai ishte personi nga i cili mund të merrte informacionin më të besueshëm në lidhje me rajonin, pasi kishte qenë kryeministër për 10 vjet.
Dje, portali investigativ “ViSquare”, duke cituar burime në qeverinë hungareze, raportoi se Gruevski kishte marrë shtetësinë e plotë hungareze në vitin 2022 në bazë të “interesit shtetëror të Hungarisë”.
Sipas portalit, Gruevski vazhdon të banojë në Hungari dhe shtetësia hungareze e ndërlikon ndjeshëm mundësinë e ekstradimit të tij në Maqedoninë e Veriut.
Ministria e Drejtësisë njoftoi dje se “pavarësisht spekulimeve dhe informacioneve jozyrtare se ish-kryeministri Nikola Gruevski ka fituar shtetësinë hungareze, ai mbetet shtetas maqedonas dhe procedura për ekstradimin e tij vazhdon”.
Ndryshe, Hungaria mbetet një strehë e sigurt për ish-kryeministrin e Maqedonisë Nikolla Gruevski. Duke cituar një burim në qeverinë hungareze, portali investigativ VSquare raporton se Gruevskit, i cili jeton në Budapest që nga viti 2018, iu dha shtetësia e plotë hungareze në vitin 2022, bazuar në “interesin shtetëror hungarez”. Sipas një burimi tjetër qeveritar, besohet se ai është ende në vend. Kjo e bën ekstradimin e tij përsëri në Maqedoninë e Veriut pothuajse të pamundur.
Gruevski u arratis nga Maqedonia e Veriut në nëntor 2018, pak para se të fillonte të vuante një dënim dyvjeçar me burg në rastin “Tank” – dënim për korrupsion që lidhet me blerjen e një Mercedesi luksoz të blinduar me vlerë 600,000 euro.
Ai u largua nga vendi nëpërmjet Shqipërisë, pastaj vazhdoi nëpërmjet Malit të Zi dhe Serbisë, gjoja me ndihmën e një automjeti diplomatik hungarez dhe, sipas raporteve të asaj kohe, me përfshirjen e shërbimit të inteligjencës së jashtme hungareze. Qeveria e Orbán më pas i dha atij azil politik.
Në Maqedoni, historia e kthimit të Gruevskit është debatuar shumë në të kaluarën, pas rënies së Viktor Orbán nga pushteti në Hungari. Në prill të këtij viti, kryeministri Hristijan Mickoski tha se nuk priste që Gruevski të kthehej në vend, por nëse kjo do të ndodhte “ai do të shkonte në burg”.
LSDM-ja e opozitës e pyeti kryeministrin dhe ministrin e drejtësisë Filkov paraprakisht këtë javë nëse kishin dërguar dokumentet për ekstradimin e Gruevskit në Budapest. Ata gjithashtu vlerësuan se Mickoski kishte frikë se kthimi i Gruevskit në vend do të rrezikonte pozicionin e tij në parti.
Ish-kryeministri Nikolla Gruevski, të cilit iu dha azil në Hungari, reagoi ashpër ndaj njoftimeve për një ekstradim të mundshëm, duke e akuzuar atë se ishte subjekt i një ndjekjeje penale të motivuar politikisht me “procedura gjyqësore të manipuluara”.
Ai kritikoi deklaratën e ministrit të Drejtësisë, duke theksuar se në vend që të mbledhë informacione rreth statusit të tij, ai duhet të hetojë, siç e thotë ai, “abuzimet dhe paligjshmëritë” gjatë periudhës së qeverisë së mëparshme.
- LEXO: Ekstradimi i Nikolla Gruevskit, Ministria e Drejtësisë: Procedurat zhvillohen sipas ligjit dhe pa ndikim politik
- LEXO: Përfundoi mbledhja e dokumenteve për ekstradimin e Gruevskit
- LEXO: Për të dërguar kërkesë për ekstradimin e Gruevskit, duhet t’i hiqet azili, tha Mickoski
- LEXO: Fundi i strehës së sigurt, Hungaria ndryshoi tonin për Gruevskin?
- LEXO: Mickoski: Pres që Magyar të udhëheqë politika pro-evropiane, ekstradimi i Gruevskit është kërkuar që në vitin 2018